(1)
Jab khata ki masaafat-e-shab aaftab ne
Jalwa kiya sahar ke rukh-e-be-hijab ne
Dekha su-e-falak shah-e-gardoon rakab ne
Mud kar sada rafikon ko dee uss janab ne
Aakhir hai raat humd-o-sana-e-khuda karo
Utho fareeza-e-sahari ko ada karo
(2)
Haan ghaziyo ye din hai jidaal-o-qitaal ka
Yaan khooñ bahega aaj mohammad ki aal ka
Chahera khushi se surkh hai zahera ke laal ka
Guzri shab-e-firaq din aaya wisaal ka
Hum wo hai ghum karenge malak jinke wastey
Raatein tadap ke kaatin hai iss din ke wastey
(3)
Ye subh wo subh mubarak hai jiski shaam
Yaan se hua jo kooch to hai khuld me makaam
Kausar pe aabru se pahunch jaaye tashna kaam
Likhe khuda namaz guzaron me sab ke naam
Sab hai waheed-e-asr ye ghul chaar su uthe
Duniya se jo shaheed uthe surq rooh uthe
(4)
Ye sunke bistaro se uthe wo khuda shanaas
Ek ek ne zeyb-e-jism kiya faakhra libaas
Shan-e-mohasino me kiye sab ne be hiraas
Baandhey amama aaye imam-e-zamaa ke paas
Rangeen abayein dosh pe kamarein kase huey
Mushk-o-zabad-o-itr mein kapde base huey
(5)
Sukhe labo pe hamd-e-ilahi rukho pe noor
Qauf-o-hiraas ranj-o-kudurat dilo se door
Qayyaz Haq shanas ulul azm zee shaoor
Khush fikr-o-bazla sanj-o-hunar parwar-o-gayoor
Kaano ko husn-e-saut se khat barmala mile
Baato me wo namak ke dilo ko maza mile
(6)
Saavant burdbaar falak martabat delair
Aali manish saba mein sulaiman wiga mein sher
Gardaa daher inki zabardastiyon ke zer
Faaqe se teen din ke magar zindagi se ser
Duniya ko heech pooch saraapa samajhte hain
Dariya dili se bahr ko khatra samajhte hain
(7)
Taqreer me wo ramz-e-kinaaya ke laa jawab
Nukta bhi muh se gar koie nikla to intekhaab
Goya dahan kitaab-e-balaagat ka ek baab
Sookhi zabanein shahede fasaahat se kamiyab
Lahejo me shaayeran-e-arab they mare huey
Piste labo ke wo ke namak se bhare huey
(8)
Lab par hasi gulon se zyada shigafta ru
Paida tano se pairahan yusufi ki bu
Gilmaa ke dil me jin ki ghulami ki aarzoo
Parhez gaar zaahid-e-abraar-e-neyk khu
Pathar me aise laal sadaf me gauhar nahi
Hooron ka qaul tha ke malak hai bashar nahi
(9)
Paani na tha wazu jo karein wo falak ma’aab
Par thi rukho pe khaak-e-tayammum se tarfa aab
Baareek abr me nazar aate they aaftaab
Hote hai khaak saar ghulam-e-abuturab
Mehtaab se rukho ki safa aur hogaie
Mitti se aayito me jila aur hogaie
(10)
Qaime se nikle shah ke azeezaan-e-khush khisaal
Jin me kaie they hazrat-e-khairunnisa ke laal
Qasim sa gul badan ali akbar sa khush jamaal
Ek jaa aqeel-o-muslim-o-jafar ke naunehaal
Sab ke rukho ka noor sipihir bareen pe tha
Atthara aaftaabo ka guncha zameen pe tha
(11)
Wo subh aur wo chaau sitaron ki aur wo noor
Dekhe to ghash kare arni go-e-ooj-e-toor
Paida gulo se khudrat-e-allah ka zahoor
Wo jaa baja darakhto pe tasbeeh khwah tuyoor
Gulshan khajal they waadi mewa saas they
Jangal tha sab basa hua phoolon ki baas se
(12)
Thandi hawa me sabza-e-sahera ki wo lahak
Sharmaye jis se atlis-e-zingari-e-falak
Wo jhoomna darakhto ka phoolo ki wo mahek
Har barg-e-gul pe qatra-e-shabnam ki wo jhalak
Heere khajal the gauhar-e-yakta nisaar the
Patte bhi har shajar ke jawahir nigaar the
(13)
Qurbaan san’at-e-qalam afreed gaar
Thi har waraq pe san’at-e-tarseei aashkaar
Aajiz hai fikrat-e-shoa’araye hunar shiyaar
Inn san’ato ko paaye kahan aql-e-sadaa kaar
Aalam tha mahwe khudrat-e-rab-e-ibaad par
Mainaa kiya tha waadi-e-minuu savaad par
(14)
Wo noor aur wo dasht suhana sa wo fazaa
Durraj-o-kaik tayoor tawoos ki sada
Wo josh-e-gul wo naala-e-murgaan-e-khush nawa
Sardi jigar ko bakshi thi subh ki hawa
Phoolo se sabz sabz shajar surq posh the
Thaley bhi naql ke basad-e-ghul farosh the
(15)
Wo dasht wo naseem ke jhonke wo sabza zaar
Phoolo pe jaa baja wo gauhar haaye aab daar
Uthna wo jhoom jhoom ke shaaqo ka baar baar
Baalaaye nakhl ek jo bulbul to ghul hazaar
Khwaha the zohra gulshan-e-zahra jo aab ke
Shabnam ne bhar diye the katore gulab ke
(36)
Baithe the jaa namaz pe shah-e-falak sareer
Naaga khareeb aake gire teen chaar teer
Dekha har ek ne mudke su-e-lashkar-e-shareer
Abbas uthe tol ke shamsheer-e-be-nazeer
Parwaana the siraaj-e-imamat ke noor par
Roki sipar huzoor-e-karaamat zahoor par
(37)
Akbar se mud ke kahne lage sarwar-e-zamaan
Tum jaa ke kahedo qaime me ye ay padar ki jaan
Baandhe hai sarkashi pe kamar lashkar-e-giraan
Bacho ko leke sahen se hatt jaayein bibiyan
Gaflath me teer se koie bacha talaf na ho
Dar hai mujhe ke gardan-e-asghar hadaf na ho
(38)
Kahte the ye pisar se shah-e-aasmaan sareer
Fizza pukaari dhyodhi se ay khalk ke ameer
Hai hai ali ki betiyan kis jaa ho gosha geer
Asghar ke gaahewaar tak aakar girey hai teer
Garmi me saari raat ye ghut ghut ke royein hain
Bache abhi to sard hawa paa ke soyein hain
(39)
Baqar kahin pada hai sakina kahin hai ghash
Garmi ki fasl ye tab-o-taab aur ye atash
Ro roke sogaye hain sageeran-e-maahvash
Bacho ko leke yaan se kaha jaaye faaqa kash
Ye kis qata pe teer piyape baraste hain
Thandi hawa ke wastey bache taraste hain
(40)
Uthe ye shor sunke imam-e-falak wiqaar
Dhyodhi tak aaye dhaalo ko roke rafeeq-o-yaar
Farmaya mud ke chalte hain ab behr-e-kaarzaar
Kamrein kaso jihaad pe mangwaao rahwaar
Dekhien faza bahisht ki dil baag baagh ho
Ummat ke kaam se kahin jaldi faraag ho
(41)
Farmake ye haram me gaye shah-e-behr-o-bar
Hone lagin safo me kamar bandhiyan idhar
Jaushan pahenke hazrat-e-abbas naamwar
Darwaze pe tahelne lage misl-e-sher-e-nar
Parton se rukh ke barq chamakti thi paak par
Talwaar haath me thi sipar dosh-e-paak par
(42)
Shaukat me rashk-e-taaj-e-sulaiman tha khuudsar
Kalgi pe laakh baar tasadduq huma ke parr
Dastane dono fatha ka maskan zafaar ka ghar
Wo rob al amaan wo tahawwur ke al hazar
Jab aisa bhayi zulm ki teygo me aad ho
Phir kis tarha na bhayi ki chaati pahaad ho
(43)
Qaime me jaake shah ne ye dekha haram ka haal
Chaherein to faq hain aur khule hai saron ke baal
Zainab ki ye dua hai ke ay rabb-e-zuljalaal
Bach jaaye iss fasaad se khairunnisa ka laal
Bano-e-nek naam ki kheyti hari rahe
Sandal se maang bacho se godi bhari rahe
(44)
Aafat me hai musafir-e-saheraay-e-karbala
Bekas pe ye chadhai hai sayyad pe ye jafa
Gurbat me than gai jo ladayi to hoga kya
Inn nanhe nanhe bacho pe kar rahem ay khuda
Faakho se jaan ba lab atash se halak hai
Ya rab tere rasool ki hum aal-e-paak hai
(45)
Sar pe na ab ali hai na rasool-e-falak wiqaar
Ghar lutgaya guzar gayiin khaatun-e-rozgaar
Amma ke baad roie hasan ko mai sogwaar
Duniya me aaj hussain hai unn sab ka yaadgaar
Tu daad de meri ke adaalat panah hai
Kuch uss pe bann gaie to ye majma tabah hai
(46)
Bole khareeb jaake shah-e-aasmaañ janaab
Muztar na ho duaein hain tum sab ki mustajaab
Maghroor hain khata pe hain ye khanuma kharab
Khud jaa ke main dikhata hu unko rah-e-sawaab
Mauqa behen nahi abhi fariyaad-o-aah ka
Laao tabarrukaat-e-risaalat panah ka
(47)
Meraaj me rasool ne pehna tha jo libaas
Kashti me laaie zainab usay shaah-e-deeñ ke paas
Sar par rakha amama-e-sardaar-e-haq shanaas
Paheni qaba-e-paak-e-rasool-e-falak asaas
Barmein durust-o-chust tha jaama rasool ka
Rumaal fatima ka amama rasool ka
(48)
Shumle ke dusre jo pade the basad wiqaar
Saabit ye tha ke dosh pe geysu pade hai chaar
Bal khaa raha tha zulf-e-saman boo ka taar taar
Jiske har ek moo pe khata-o-khatan nisaar
Mushk-o-abeer-o-ood agar hain to pech hain
Sumbul pe kya khulenge ye geysu ke pech hain
(49)
Kapdo se aarahi thi rasool-e-zaman ki boo
Dulha ne bhi sunghi ho na aisi dulhan ki boo
Haider ki fatema ki hussain-o-hasan ki boo
Phaili huie thi chaar taraf panjatan ki boo
Lutt ta tha itr waadi-e-ambar sarisht mein
Ghul jhoomte the baagh mein rizwaan-e-behisht mein
(50)
Poshak sab pahen chuke jis dum shah-e-zaman
Lekar balayein bhai ki rone lagi bahan
Challayi haaye aaj nahi haider-o-hasan
Amma kahan se laayein tumhe ab ye be watan
Rukhsat hai ab rasool ke yusuf jamaal ki
Sadqe gaie balayein to lo apne laal ki
(51)
Sandook aslaha ke jo khulwaye shaah ne
Peeta moo apna zainab-e-ismat panaah ne
Paheni zira imam-e-falak baargaah ne
Baazu pe jaushanein padhe azz-o-jaah ne
Jauhar badan ke husn se saare chamak gaye
Halqe the jitne utne sitaare chamak gaye
(52)
Yaad aagaye ali nazar aayi jo zulfaqar
Khabze ko choomkar shah-e-deen roye zaar zaar
Toli jo leke haath me shamsheer-e-aab daar
Shaukat ne di sada ke teri shaan ke nisaar
Fath-o-zafar qareeb ho nusrat qareeb ho
Zeb iski tujhko zarb-e-adu ko naseeb ho
(53) Baandhi kamar se teg jo zahera ke laal ne
Phaada falak ne apna garebaan hilaal ne
Dastane pahene sarwar-e-khudsi khisaal ne
Meraaj paayi dosh pe hamza ki dhaal ne
Rutba buland tha ke sa’aadat nashaan ki
Saari sipar me mohar-e-nabuwwat ki shaan thi
(54)
Hathiyaar idhar laga chuke aaqa-o-khaas-o-aam
Tayyaar udhar hua alam-e-sayyad-e-anaam
Khole saro ko gard the saidamiyaan tamaam
Roti thi thaame chob-e-alam khwahar-e-imam
Teghein kamar mein dosh pe shumle pade huey
Zainab ke laal zer-e-alam aa khade huye
(55)
Gardaane damano ko qaba ke wo gulaazaar
Marfiq tak aasteeno ko ulte basad wiqaar
Jafar ka rob dabdaba-e-sher-e-kirdigaar
Bootey se unke khad pe namoodaar-o-naamdaar
Aankhein malin alam ke pharere ko choom ke
Raayat ke gard phirne lage jhoom jhoom ke
(56)
Gah maa ko dekhte they ke gaah jaanib-e-alam
Naara kabhi ye tha ke nisaar-e-shah-e-umam
Karte the dono bhayi kabhi mashware baham
Aahista puchte kabhi maa se wo zee hasham
Kya qasd hai ali wali ke nashaan ka
Amma kisey milega alam nana jaan ka
(57)
Kuch mashwara karein jo shahenshah khush khisaal
Hum bhi mohaq hai aapko iska rahe qayaal
Paas-e-adab se arz ki humko nahi majaal
Iska bhi khauf hai ke na ho apko malaal
Aaqa ke hum ghulaam hai aur jaa nisaar hain
Gurbat talab hain naam ke umeed waar hain
(58)
Be misl the rasool ke lashkar ke sab jawaan
Lekin hamare jadd ko nabi ne diya nashaan
Qaibar me dekhta raha muh lashkar-e-garaan
Paaya alam ali ne magar waqt-e-imtehaan
Taaqat me kuch kami nahi go bhuke pyaase hain
Pote unhi ke hum hain unhi ke nawasey hain
(59)
Zainab ne tab kaha tumhe isse kya hai kaam
Kya dakhl mujhko maalik-e-mukhtaar hai imaam
Dekho na kijo be adabaana koie kalaam
Bigdungi mai jo lenge alam ka zabaan se naam
Lo jaao bas khade ho alag haath jod ke
Kyun aaye ho yahan ali akbar ko chhod ke
(60)
Sarko hato badho na khade ho alam ke paas
Aisa na ho ke dekhlein shah-e-falak isaas
Khote ho aur aaye huye tum mere hawaas
Bas qabil-e-qabool nahi hai ye iltemaas
Rone lagoge tum jo bura ya bhala kahun
Iss zidd ko bachpane ke siwa aur kya kahun
(61)
Umrein khaleel aur hoss mazhab-e-jaleel
Acha nikaalo khad ke bhi badhne ki kuch sabeel
Maa sadqa jaaye gar se ye himmat ki hai daleel
Haa apne humsino me tumhara nahi adeel
Laazim hai soche gaur karein peysh-o-pas kare
Jo Ho sake na kyun bashar uski hawas kare
(62)
Inn nanhe nanhe haatho se uthega ye alam?
Chote khado me sabse sino me sabho se kam
Nikle tano se sibte nabi ke qadam pa dum
Ohda yahi hai bas yahi mansab yahi hasham
Rukhsat talab agar ho to ye mera kaam hai
Maa sadqe jaaye aaj to marne me naam hai
(63)
Phir tumko kya buzurg the gar fakhr-e-rozgaar
Zeba nahi hai wasf-e-izaafi pe iftekhaar
Johar wo hai jo teg kare aap aashkaar
Dikhlaado aaj haider-o-jaafar ki kaarzaar
Tum kyun kaho ke laal khuda ke wali ke hain
Faujein pukare khud ke nawasey ali ke hain
(64)
Kya kuch alam se jafar-e-tayyar ka tha naam
Ye bhi thi ek ata-e-rasool-e-falak maqaam
Bigdi ladaayiyo me ban aaye unhi se kaam
Jab kheenchte the teg toen hilta tha room-o-shaam
Be jaan huye to naql-e-wigha ne samar diye
Haatho ke badle haq ne jawaahir ke par diye
(65)
Lashkar ne teen roz hazeemat uthayi jab
Baksha alam rasool-e-khuda ne ali ko tab
Marhab ko qatl karke badha jab wo sher-e-rab
Dar band karke khila ka bhaagi sipaah sab
Ukhda wo yun giraan tha jo dar sang-e-sakht se
Jis tarha tod le koie patta darakht se
(66)
Narge me teen din se hai mushkil kusha ka laal
Amma ka baagh hota hai jangal me paayemaal
Pucha na ye ke khole hai kyun tumne sar ke baal
Mai lutt rahi hoon aur tumhe mansab ka hai qayaal
Ghumkhwaar tum mere ho na aashiq imam ke
Maloom hogaya mujhe taalib hai naam ke
(67)
Haatho ko jod jod ke bole wo laala faam
Gusse ko aap thaam le ay khwaahar-e-imam
Wallah kya majaal jo lein ab alam ka naam
Khul jayega ladenge jo ye bawafa ghulaam
Faujein bhaga ke ganj-e-shaheedaan me soyenge
Tab qadr hogi apko jab hum na howenge
(68)
Ye kahke bas hate jo sa’adat nashan par
Chhaathi bhar aayi maa ne kaha thaam kar jigar
Dete ho apne marne ki pyaaro mujhe khabar
Tahero zara balayein to le le ye nauha gar
Kya sadqe jaaun maa ki nasihat buri lagi
Bacho ye kya kaha ke jigar par churi lagi
(69)
Zainab ke paas aa ke ye bole shah-e-zaman
Kyun tumne dono beto ki baatein suni bahan
Shero ke sher aaqeel-e-jarraar saf shikan
Zainab waheed-e-asr hain dono ye gul badan
Yun dekhne ko sab me buzurgo ke taur hain
Tewar hi inke aur iraade hi aur hain
(70)
Nau dus baras ke sin me ye jura’at ye walwale
Bache kisi ne dekhein hai aise bhi man chale
Iqbaal kyun kar inke na qadmo se muh maley
Kis goud me bade huey kis doodh se pale
Beshak ye wirsa daar janab-e-ameer hain
Par kya karun ke dono ki umrein sageer hain
(71)
Ab tum jisey kaho usey dein fauj ka alam
Ki arz jo salaah shah-e-aasmaan hasham
Farmaya jab se uthgayin zahera-e-baa karam
Uss din se tum ko maa ki jagah jaante hain hum
Maalik ho tum buzurg koie ho ke khurd ho
Jisko kaho usi ko ye ohda sipurd ho
(72)
Bolein bahan ke aap bhi to lein kisi ka naam
Hai kis taraf tawajja-e-sardaar-e-qaas-o-aam
Gar mujhse puchte hain shah-e-aasmaan maqaam
Quraan ke baad hai to hai bas aapka kalaam
Shaukat me khad me shaan me humsar koie nahi
Abbas naamdaar se behtar koie nahi
(73)
Aashiq ghulam khadim-e-derina jaa nisaar
Farzand bhayi zeenat-e-pahelu wafa shiyaar
Jarraar yaad gaar-e-padar fakhr-e-rozgaar
Raahat rasaan mutee namoodar-o-naamdaar
Safdar hai sher dil hai bahadur hai neyk hai
Be misl saikado me hazaaro me ek hai
(74)
Aankho me ashk bhar ke ye bole shah-e-zaman
Haan thi yahi ali ki wasiyyat bhi ay bahan
Acha bulayein aap kidhar hai wo saf shikan
Akbar chacha ke paas gaye sunke ye sukhan
Ki arz intezaar hai shaah-e-gayoor ko
Chaliye phupi ne yaad kiya hai huzoor ko
(75)
Abbas aaye haatho ko jode huzoor-e-shah
Jaao bahen ke paas ye bola wo deen panah
Zainab wahin alam liye aayin ba izz-o-jaah
Bole nashaan ko leke shah-e-arsh baargaah
Inki khushi wo hai jo raza panjetan ki hai
Lo bhayi lo alam ye inaayat bahan ki hai
(76)
Rakh kar alam pe haath jhuka wo falak wiqaar
Hamsheer ke qadam pe mala muh ba iftikhaar
Zainab balayein leke ye bolin ke mai nisaar
Abbas fatima ki kamaayi se hoshiyaar
Hojaaye aaj sulah ki surat to kal chalo
Inn aafato se bhayi ko lekar nikal chalo
(77)
Ki arz mere jism pe jis waqt tak hai sar
Mumkin nahi hai ye ke badhe fauj-e-bad guhar
Tegein khinchi jo laakh to seena karun sipar
Dekhein utha ke aankh ye kya taab kya jigar
Saavant hai pisar asad-e-zuljalaal ke
Gar sher ho to phenkde aankhein nikaal ke
(78)
Muh karke su-e-qabr-e-ali phir kiya khitaab
Zarre ko aaj kardiya moula ne aaftaab
Ye arz khaaksaar ki hai ya abuturaab
Aaqa ke aage mai hoon shahadat se kamiyab
Sar tann se ibne fatima ke ru ba ru gire
Shabbir ke paseene pe mera lahu gire
(79)
Ye sunn ke aayin zauja-e-abbas naamwar
Shauhar ki samt pahle kanakhiyo se ki nazar
Lein sibt-e-mustafa ki balayein ba chashm tarr
Zainab ke gard phirke ye boli wo nauhagar
Faiz aapka hai aur tasadduq imam ka
Gurbat badhi kaneez ki rutba gulam ka
(80)
Sar ko laga ke chhati se zainab ne ye kaha
Tu apni maang kokh se thandi rahe sada
Ki arz mujhsi laakh kaneezein to ho fida
Baanu-e-naamwar ko suhaagin rakhe khuda
Bache jabeen taraqqi iqbaal-o-jaa ho
Saaye me aapke ali akbar ka byaah ho
(81)
Qismat watan me qair se phir shay ko leke jaaye
Yasrab me shor ho ke safar se hussain aaye
Ummul baneen jaah-o-hasham se pisar ko paaye
Jaldi shab-e-uroosi akbar khuda dikhaye
Mahendi tumhara laal male haath paao mein
Laaun dulhan ko byaah ke taaro ki chaau mein
(82)
Naagaah aake baali sakina ne ye kaha
Kaisa hai ye hujoom kidhar hai mere chacha
Ohda alam ka unko mubarak kare khuda
Logo mujhe balayein to lene do ek zara
Shaukat khuda badhaaye mere ammu jaan ki
Mai bhi to dekhun shaan ali ke nashaan ki
(83)
Abbas muskuraake pukaare ke aao aao
Ammu nisaar pyaas se kya haal hai bataao
Boli lipat ke wo ke meri mashk lete jaao
Ab to alam mila tumhe paani mujhe pilaao
Tohfa koie na dije na inaam dijiye
Khurbaan jaau paani ka ek jaam dijiye
(84)
Farmaya aapne ke nahi fikr ka maqaam
Baato pe iski roti thi saidaaniya tamaam
Ki arz aake ibne hasan ne ke ya imaam
Ambo hai badi chali aati hai fauj-e-shaam
Abbas ab alam liye baahar nikalte hain
Tahero bahen se milke gale hum bhi chalte hain
(85)
Naagaah badhe alam liye abbas-e-ba wafa
Daude sab ahlebait khule sar ba rehna paa
Hazrat ne haath utha ke ye ek ek se kaha
Lo alwida ay haram-e-paak-e-mustafa
Subh-e-shab-e-firaaq hai pyaro ko dekhlo
Sab milke doobte huey taaro ko dekhlo
(86)
Shay ke qadam pe zainab-e-zaar-o-hazeen giri
Bano pachhaad khaake pisar ke kharee giri
Kulsoom thar tharake ba ru-e-zameen giri
Baqar kahin gira to sakina kahin giri
Ujda chaman har ek gul-e-taaza nikal gaya
Nikla alam ke ghar se janaza nikal gaya
(87)
Dekhi jo shaan-e-hazrat-e-abbas arsh jaa
Aage badhe alam ke pas az tahniyat-e-sipaah
Nikla haram sarah se do aalam ka baadshah
Nushtar balad thi binte ali ki fuga-o-aah
Rah rahke ashk bahte the ru-e-janaab se
Shabnavm tapak rahi thi gul-e-aaftaab se
(88)
Moula chadhe faras pe mohammad ki shaan se
Tarkash lagaya har ne pa kis aan baan se
Nikla ye jinn-o-ins-o-malak ki zabaan se
Utra hai phir zameen pe buraaq aasmaan se
Saara chalan khiraam me kabk wari hai
Ghungat nayi dulhan ka hai chehra pari ka hai
(89)
Gusse me ankhudiyo ke ubalne ko dekhiye
Jo ban me jhoom jhoom ke chalne ko dekhiye
Saanche me jod band ke chalne ko dekhliye
Tham kar kanuthiyo ke badalne ko dekhiye
Gardan me daalein haath ye pariyo ko shauq hai
Baala dawi me usko huma par bhi shauq hai
(90)
Tham kar hawa chali faras-e-khush qadam badha
Joon joon wo su-e-dasht badha aur dum badha
Ghodo ki lein sawaro ne baagein, alam badha
Raayat badha ke sarwar-e-riyaaz-e-iram badha
Phoolo ko leke baad-e-bahaari pahuch gayin
Boostaane karbala me sawaari pahuch gayin
(91)
Panja idhar chamakta tha aur aftaab udhar
Iski ziyah thi khaak pe zo uski arsh par
Zar rezi alam pe taherti na thi nazar
Dulha ka rukh tha sone ke sehre me jalwa gar
The do taraf do alam iss irtefaa ke
Uljhe huey the taar khatut-e-shuaa ke
(92)
Allah re sipah-e-khuda ki shukoh-o-shaan
Jhukne lage junood zalalat ke bhi nashaan
Kamarein kase alam ke tale haashmi jawaan
Duniya ki zeb-e-deen ki izzat jahan ki jaan
Ek ek dood maa ali ka charaag tha
Jisko behisht par tha tafaqqo wo baagh tha
(93)
Ladke wo saat aath sahi qadh saman izaar
Geysu kisi ke chehre pe do aur kisi ke chaar
Haider ka rob nargisi aankho se aashkaar
Khelein jo neemchon se kare sher ka shikaar
Naizo ke samt chand se seene tane huey
Aaye the eid gaah me dulha bane huey
(94)
Gurfo se hoorein dekh ke karti thin ye kalaam
Duniya ka baagh bhi hai ajab pur faza maqam
Dekho durood padhke su-e-lashkar-e-imam
Humshakl-e-mustafa hai yahi arsh ikhteshaam
Raayat liye wo laal khuda ke wali ka hai
Abtak jahan me saath nabi-o-ali ka hai
(95)
Duniya se uthgaye the jo paigambar-e-zamaan
Hum jaante the husn se khaali hai ab jahan
Kyun kar su-e-zameen na jhuke peer aasmaan
Paida kiya hai haq ne ajab husn ka jawaan
Sab khubiyon ka khaatma bas iss haseen pe hai
Mehboob-e-haq hai arsh pe saaya zameen pe hai
(96)
Naagaah teer udhar se chale jaanib-e-imam
Nikle idhar se shay ke rafeekan-e-tashna kaam
Be sar huey paron me saran-e-sipah shaam
Baala kabhi thi teg kabhi zer-e-tang thi
Ek ek ki jang maalik-e-ashtar ki jang thi
(97)
Nikle paye jihad azeezaan-e-shaahe deen
Naare kiye ki qauf se hilne lagi zameen
Rubaah ki safo pe chale sher-e-khashmageen
Khaichi jo teg bhool gayen saf kashi laeen
Bijli giri paro pe shumaal-o-junoob ke
Kya kya lade ke shaam ke badal me doob ke
(98)
Allah re ali ke nawaso ki kaarzaar
Dono ke niche the ke chalti thi zulfaqar
Shaana kata kisi ne jo roka sipar pe waar
Ginti thi zaqmiyo ki kushto ka kuch shumaar
Itne sawaar qatl kiye thodi der me
Dono ke ghode chup gaye laasho ki dher me
(99)
Wo chote chote haath wo gori kalayiyaan
Aafat ki phurtiyaan thi gazab ki safayiyaan
Dar dar ke kaat te the kama kash kanayiyaan
Faujo me thi nabi-o-ali ki duhayiyaan
Shaukat hua ho thi janab-e-ameer ki
Taaqat dikha di shero ne zainab ke sheer ki
(100)
Kis husn se hasan ka jawaan-e-haseen lada
Ghir ghir ke surate asad-e-khashmageen lada
Do deen ki bhook-o-pyaas me wo mehjabeen lada
Sahera ulat ke yoon koi dulha nahi lada
Hamle dikha diye asad-e-kirdigaar ke
Maqtal me soye arzaq-e-shaami ko maar ke
(101)
Chamki jo tegh-e-hazrat-e-abbas arsh jaa
Roohul ameen pukare ke allah ki panah
Dhaalo me chupgaya pisar-e-saad rusiya
Kushto se band hogaie amn-o-amaan ki raah
Jhapta wo sher shauq me dariya ki sair ke
Leli taraayi tegho ki maujo me tair ke
(102)
Be sar hua mokali chashma-e-furaat
Halchal mali mouj safo ko na tha sabaat
Dariya me girke faut huey kitne bad sifaat
Goya habaab hogaye the nuqta-e-nabaat
Abbas bhar ke mashk ko yaan tashna lab lade
Jis tarha naherwaan me ameer-e-arab lade
(103)
Aafat hi harb-o-zarb ali akbar-e-dilair
Gusse me jhapte said pe jaise gursana sher
Sab be sar baland past zabardast sab the zeyr
Jangal me chaar samt huey zaqmiyo ke dher
Sar unke utre tann se jo the rann chadhe huey
Abbas se bhi jang me kuch the bhadhe huey
(104)
Talwarein barseen subh se nisf-al-nahaar tak
Hilti rahi zameen larazte rahe falak
Kaampa kiye paro ko samete huey malak
Naare na phir wo the na wo tego ki thi chamak
Dhaalo ka door barchiyo ka ooj hogaya
Hangaam-e-zohar khaatma-e-fauj hogaya
(105)
Laashein sabho ke sibt-e-nabi khud uthake laay
Qatil kisi shaheed ka sar kaatne na paay
Dushman ko bhi na dost ki furkhat khuda dikhaay
Farmate the bichad gaye sab hum se haay haay
Itne pahaad gir pode jis par wo kham na ho
Gar sau baras jeeyun to ye majma baham na ho
(106)
Laashein to sabke gard the aur beechme imaam
Doobi huie thi khoon me nabi ki qaba tamaam
Afsurda-o-hazeen-o-pareshaan-o-tashna kaam
Barchi thi dil ko fatha ke baajo ki dhoom dhaam
Aada kisi shaheed ka jab naam lete the
Tharra ke dono haatho se dil thaam lete the
(107)
Pucho usi se jiske jigar par ho itne daag
Ek umr ka riyaaz tha jis par luta wo baag
Fursat na ab buka se na maatam se hai faraag
Jo ghar ki raushni the wo ghul hogaye charaag
Padhti thi dhoop sab ke tan-e-paash paash par
Chaadar bhi ek na thi ali akbar ki laash par
(108)
Maqtal se aaye qaime ke dar par shah-e-zaman
Par shiddat-e-atash se na thi taaqat-e-sukhan
Parde pe haath rakh ke pukare basad mahan
Asghar ko gaaheware se le aao ay bahan
Phir ek baar iss ma-e-anwar ko dekhloon
Akbar ke sheer khwaar baraadar ko dekhloon
(109)
Qaime se daude aal-e-payambar barehna sar
Asghar ko laayein haathon pe baanu-e-nauhagar
Bache ko le ke baith gaye aap khaak par
Muh se male jo hont to chaunka wo seem bar
Ghum ki chhuri chali jigar-e-chaak chaak par
Bithlaa liya hussain ne zaanu-e-paak par
(110)
Bache se multafit the shah-e-aasmaan sareer
Tha uss taraf kameen me udhar kaahil-e-shareer
Maara jo teen bhaal ka uss be haya ne teer
Bas dafatan nashana huie gardan-e-sageer
Tadpa jo sheer khwaar to hazrat ne aah ki
Maasoom zibha hogaya godi me shah ki
(111)
Jis dum tadap ke margaya wo tifl-e-sheer khwaar
Chhoti si qabr teg se khodi ba haal-e-zaar
Bache ko dafn karke pukaara wo zee waqaar
Ay khaak-e-paak hurmat-e-mehmaan nigaah daar
Daaman me rakh usay jo mohabbat ali ki hai
Daulat hai fatima ki amaanat ali ki hai
(112)
Ye kahke aaye fauj pe tole huey husaam
Aankhein lahu thi rone se chehra tha surq faam
Zeb-e-badan kiye the bahot izz-o-ehtishaam
Pairahan-e-mutaharr-e-paighambar-e-anaam
Hamza ki dhaal tegh-e-shah-e-laafata ki thi
Barmee zira janab-e-rasool-e-khuda ki thi
(113)
Rustam tha wara posh ke paakhar me raahwaar
Jarrar burd baar sabak ru wafa shiyaar
Kya khushnuma tha zeen tila kaar-o-nuqra kaar
Akseer tha qadam ka jisey milgaya gubaar
Khush khu tha qaana zaad tha dul dul nazhaad tha
Shabbir bhi saqi the ghoda javvad tha
(114)
Garmi ka roz jang ki kyun kar karu bayaan
Dar hai ke misl-e-shama na jalne lage zabaan
Wo looh ke alhazar wo hararat ke al amaan
Rann ki zameen to surq thi aur zard aasmaan
Aab-e-khunuk ko khalk tarasti thi khaak par
Goya hawa se aag barasti thi khaak par
(115)
Wo loo wo aaftaab ki hiddat wo taab-o-tab
Kaala tha rang dhoop se din ka misaal-e-shab
Khud nahr-e-alqama ke bhi sookhe huey the lab
Qaime the jo hababo ke tapte the sab ke sab
Udti thi khaak khushk tha chashma hayaat ka
Khaula hua tha dhoop se paani furaat ka
(116)
Jheelon se chaar paaye na uthte the taa ba shaam
Maskan me machliyon ke samandar ka tha maqaam
Aahu jo kaahle the to cheete siyah faam
Patthar pighal ke rehgaye the misl-e-mom-e-khaam
Surkhi udi thi phulon se sabza giyah se
Paani kuwo me utra tha saaye ki chaah se
(117)
Koson kisi shajar me na ghul the na barg-o-baar
Ek ek nakhl jal raha tha chanaar
Hasta tha koie ghul na mehekta tha sabza zaar
Kaanta huie thi phool ki har shaakh-e-baar daar
Garmi ye thi ke zeest se dil sab ke sard the
Patte bhi misl-e-chahera-e-madqookh zard the
(118)
Aab-e-rawaan se muh na uthate the jaanwar
Jangal me chhipte phirte taair idhar udhar
Mardum thi saath pardo ke andar araq me tarr
Khazkhana-e-mizha nikalti na thi nazar
Gar chashm se nikal ke taherjaaye raah me
Padh jaaye laakho aable paaye nigaah me
(119)
Sher uthte the na dhoop ke maare kacchhaar se
Aahu na muh nikaalte the sabza zaar se
Aayina mehr ka tha mukaddar ghubaar se
Gardoon ko tapp chadhi thi zameen ke bukhaar se
Garmi se muztarib tha zamana zameen par
Bhun jaata tha jo girta tha daana zameen par
(120)
Gard aab par tha shola-e-javaala ka gumaan
Angarey the habaab to paani sharar fishaan
Muh se nikal padi har ek mauj ki zabaan
Taa paa the sab nahang magar thi labo pe jaan
Paani tha aag garmi-e-roz-e-habaab thi
Maahi jo seyq mauj tak aayi kabaab thi
(121)
Aayina-e-falak ko na thi taab-o-tab ki taab
Chipne ko barq chahat thi daaman-e-sahaab
Sab se siwa tha garm mizajo ko izteraab
Kaafoor-e-subha dhundta phirta tha aaftaab
Bhadki thi aag gumbad-e-charkh-e-aseer me
Baadal chipe the sab kurah-e-zamhareer me
(122)
Iss dhoop me akele khade the shah-e-umam
Na daaman-e-rasool tha na saaya-e-alam
Shole jigar se aah ke uthte the dum ba dum
Oode the lab zabaan me kaante kamar me qam
Hai aab teesra tha jo din mehmaan ko
Hoti thi baat baat me luknat zabaan ko
(123)
Ghodo ko apne karte the sairaab sab sawaar
Aate the oont ghaat pe baandhe huey sawaar
Peete the aab-e-naher parind aake be shumaar
Saqqe zameen pe karte the jhidkaao baar baar
Paani ka daam-o-dad ko pilaana sawaab tha
Ek ibne fatima ke liye qahat-e-aab tha
(124)
Sar par lagaye tha pisar-e-saad chatarzar
Qaadim kaie the mirvaha jumbaan idhar udhar
Karte the aab paash mukarrar zameen ko tarr
Farzand-e-fatima pe na tha saaya-e-shajar
Wo dhoop dasht ki wo jalaal aftaab ka
Sunnlaa gaya tha rang mubarak janaab ka
(125)
Kaheta tha ibne saad ke ay aasmaan janaab
Bayyat jo kije ab bhi to haazir hai jaam-e-aab
Farmate the hussain ke ad khaanuma kharaab
Dariya ko khaak jaanta hai ibne buturaab
Faasiq hai paas kuch tujhe islaam ka nahi
Aab-e-baqa ho ye to mere kaam ka nahi
(126)
Kahedun to Khvaan le ke khud aayein abhi khaleel
Chaahun to salsabeel ko dum me karun sabeel
Kya jaam aab ka tu mujhe dega ay zaleel
Be aabru khasees sitamgaruni bakheel
Jis phool par pade tera saaya wo bu na de
Khulwaye fasd to tu kabhi rag lahu na de
(127)
Gar jam ka naam loon to abhi jaam leke aay
Kausar yahin rasool ka ahekaam leke aay
Roohul ameen zameen pe mera naam leke aay
Lashkar malak ka fatha ka paigham leke aay
Chahoon jo inkhelaab to duniya tamaam ho
Ulte zameen yun ke na kufa na shaam ho
(128)
Farmake ye nigaah jo ki su-e-zulfiqaar
Tharra ke pichle paano hata wo sitam shiyaar
Mazloom par safo se chale teer beshumaar
Aawaaz kos-e-harb huie aasmaan ke paar
Naize uthaake jang pe iswaar tul gaye
Kaale nishaan fauj-e-sareeron ke khul gaye
(129)
Wo dhoom tabl-e-jang ki wo buuq ka khurosh
Kir hogaye the shor se karobiyon ke gosh
Tharrayi yun zameen ke uday asmaa ke hosh
Naize hilake nikle sawaaraan-e-dir posh
Dhaalein thi yun saro pe sawaaraan-e-shom ke
Sahera me jaisa aaye ghataa jhoom jhoom ke
(130)
Lo padhke chandd sher rajaz shah-e-deen badhe
Geyti ke thaam lene ko rohuul ameen badhe
Maanind-e-sher-e-nar kahin tahere kahin badhe
Goya ali ulatte huey aasteen badhe
Jalwa diya jari ne uroos-e-masaaf ko
Mushkil kusha ki tegh ne chhoda gilaaf ko
(131)
Kaathi se iss tarha huie wo shola khu juda
Jaise kinaar-e-shauq se ho khoob ru juda
Mehtaab se shuaye juda ghul se bu juda
Seene se dum juda rag-e-jaan se lahu juda
Girja jo ra’ad abr se bijli nikal padi
Mehmil me dum jo ghut gaya laila nikal padi
(132)
Aaye hussain yun ke uqaab aaye jis tarha
Aahu pe sher sha zah gaab aaye jistarha
Taabanda barq su-e-sahaab aaye jis tarha
Dauda faras nasheb me aab aaye jis tarha
Yun tegh tez koond gaie uss groh par
Bijli tadap ke girti hai jis tarha koh par
(133)
Garmi me tegh barq jo chamki sharar ude
Jhonka chala hawa ka jo san se to sar ude
Parkaala-e-sipar jo idhar aur udhar ude
Roohul ameen ne saaf ye jaana ke par ude
Zaahir nashan-e-ism azeemat asar huey
Jin par ali likha tha wahi par sipar huey
(134)
Jis par chali wo tegh do paara kiya usay
Khinchtehi chaar tukde dobaara kiya usay
Waa thi jidhar ajal ne ishaara kiya usay
Sakhti bhi kuch padi to gawaara kiya usay
Na zeen tha faras pe na iswaar zeen par
Kadiyan zira ki bikhri huie thi zameen par
(135)
Aayi chamak ke gol pe jab sar gira gayi
Dum me jami safo ko barabar gira gayi
Ek ek qasr tan ko zameen par gira gayi
Sail aayi zor shor se jab ghar gira gayi
Aa pahuncha uske ghaat pe jo marke reh gaya
Dariya lahu ka tegh ke paani se behgaya
(136)
Ye aabru ye shola fasaani khuda ki shaan
Paani me aag aag me paani khuda ki shaan
Khamoosh aur tez zabaani khuda ki shaan
Istaada aab me ye rawaani khuda ki shaan
Lehrayi jab utargaya dariya badha hua
Naizo tha zulfeqar ka paani chadha hua
(137)
Qalb-o-jina me muh meesraa tabah
Gardan kushan-e-ummat-e-qairul wara tabah
Jumbaa zameen safein ta-o-baala ar itteba
Be jaan jism rooh-e-musaafir saraa tabah
Baazar band hogaye jhande ukhad gaye
Faujein huie tabah mohalle ujad gaye
(138)
Allah re tezi burish iss shola rang ki
Chamki sawaar par to khabar laayi tang ki
Pyaasi faqat lahu ki talabgaar jung ki
Haajat na saan ki thi usay aur na sang ki
Khoon se falak ko laasho se maqtal ko bharti thi
Sau baar dum me charq pe chadhti utarti thi
(139)
Tegh-e-khazaan thi ghulshan-e-hasti se kya usay
Ghar jiska khud ujad gaya basti se kya usay
Wo haq numa thi kufr parasti se kya usay
Jo aap sar baland ho pasti se kya usay
Kahete hain raasti jisey wo kham ke saath hai
Tezi zabaan ke saath burish dum ke saath hai
(140)
Sehne pe chalgayi to kaleja lahu hua
Goya jigar me maut ka naakhin faru hua
Chamki to al amaan ka gulu chaarsu hua
Jo uske muh pe aagaya be aabru hua
Rukta tha ek waar na dus se ba paanch se
Chehre siyah hogaye the uski aanch se
(141)
Bichh bichh gayin safo pe safein wo jahan chali
Chamki to uss taraf idhar aayi wahan chali
Dono taraf ki fauj pukari kahan chali
Iss ne kaha yahan wo pukara wahan chali
Muh kis taraf hai teghzano ko khabar na thi
Sar gir rahe the aur tano ko khabar na thi
(142)
Dushman jo ghaat par the wo dhote the jaan se haath
Gardan se sar alag tha juda the nashaan se haath
Toda kabhi jigar kabhi chheda sina se haath
Jab katt ke gir padein to phir aayein kahan se haath
Ab haath dastyaab nahi muh chupaane ko
Haan paau rahegaye hain faqat bhaag jaane ko
(143)
Allah re khauf tegh shah-e-kaayenat ka
Zahra tha aab khauf ke maare furaat ka
Dariya pe haal ye tha har ek badd sifaat ka
Chaara faraar ka tha na yaara sabaat ka
Ghul tha ke barq girti hai har war posh par
Bhaago khuda ke qaher ka dariya hai josh par
(144)
Har chhand machliyan thi zira posh sar basar
Muh khole chipti phirti thi lekin idhar udhar
Bhaagi thi mauj chhodke gard aab ki sipar
The taa nasheen nahang magar aab the jigar
Dariya na thamta khauf se uss barq taab ke
Lekin pade the paaun me chhaale habaab ke
(145)
Aaya khuda ka qaher jidhar sann se aagayi
Kaano me al amaan ki sada rann se aagayi
Do kar ke khud zeen se zaushan pe aagayi
Khinchti huie zameen pe tosann se aagayi
Bijli giri jo khaak pe tegh-e-janaab ki
Aayi sada zameen se ya buturaab ki
(146)
Pas pis ke khashmagash ke kamaandaar margaye
Chille to sab chadhe huey baazu utargaye
Goshe kate kamano ke teero ke parr gaye
Maqtal me hosaka na guzaara guzar gaye
Daheshat se hosh udgaye the marg-o-waham ke
Saufaar khol dete the muh sahem sahem ke
(147)
Teer afgani ka jin ki har ek shaher me tha shor
Gosha kahin na milta tha unko siwa-e-gor
Taareek shab me jinka nashana tha paa-e-mor
Lashkar me qauf-e-jaan se inhe kardiya tha kor
Hosh udgaye the fauj-e-zalaalat nashaan ke
Paikaan me zeh ko rakhte the suuffaar jaan ke
(148)
Resh-e-saf par safein paro pe parein pesh-e-pas gire
Aswaar par sawaar faras par faras gire
Uthkar zameen se paanch jo bhaage to dus gire
Mukhbir pe paik paik pe markar asas gire
Toote parein shikast banaye sitam huie
Duniya me iss tarha ki bhi uftaad kam huie
(149)
Gusse tha sher shah zahe sahera-e-karbala
Chhode tha gurg manzil-o-maawaa-e-karbala
Tegh-e-ali thi maa’raka aara-e-karbala
Khaali na thi saro se kahin jaa-e-karbala
Basti basi thi murdo ke qarye ujaad ke
Laasho ki thi zameen saro ke pahaad the
(150)
Ghazi ne rakhliya tha jo shamsheer ke tale
Thi tarfa kashmakash falak peer ke tale
Chille samat ke jaate the zahegeer ke tale
Chipti thi sar jhukaake kamaan teer ke tale
Iss tegh-e-be gareeq jalwa kahan na tha?
Sehme the sab pe gosha-e-amn-o-amaan na tha
(151)
Chaaro taraf kamaan kayani ki wo tarang
Reh rehke abr-e-shaam se thi baarish-e-qadang
Wo shor-o-saiha faras-o-ablaq sarang
Wo loo wo aftaab ki tabandgi wo jung
Phunkta tha dast-e-keen koie dil tha na chain se
Iss din ki taab-o-tab koie puche hussain se
(152)
Saqqe pukaarte the ye mashkein liye udhar
Baazaar-e-jung garm hai dhalti hai dopahar
Pyaasa jo ho wo paani se thanda kare jigar
Mashko pe daud daud ke girte the ahle shar
Ya aag lag gayi thi jahan-e-kharaab ko
Peetethe sab hussain tadapte the aab ko
(153)
Garmi me pyaas thi ke phunka jaata tha jigar
Uff uff kabhi kaha kabhi chehre pe li sipar
Aankho me tees uthi jo padi dhoop par nazar
Jhapte kabhi idhar kabhi hamla kiya udhar
Kasrat araq ke qatro ki thi roo-e-paak par
Moti baraste jaate the maqtal ki khaak par
(154)
Sairaab chipte phirte th pyaase ki jung se
Chalti thi ek tegh-e-ali laakh rang se
Chamki jo firaq par to nikal aayi tang se
Rukti thi na sipar se na aahan na sang se
Qaaliq ne muh diya tha ajab aab-o-taab ka
Khud uske saamne tha phaphola habaab ka
(155)
Sehme huey the yun ke kisi ko nahi khabar
Paikaan kidhar hai teer ka suuffaar hai kidhar
Mardum ki kashmakash se kamaano ko tha ye dar
Gosho ko dhoondti thi zameen par jhuka ke sar
Tarkash se khiche teer koie ye jigar na tha
Sesar pe jisne haath rakha tann pe sar na tha
(156)
Ghodo ki wo tadap wo chamak tegh-e-tez ki
Sau sau safein kuchal gaie jab jast-o-khez ke
Laakho me thi na ek ko taaqat sateez ke
Thi chaar samt dhoom gureza gurez ki
Aari jo hogaie thi wo sab zulfeqaar se
Tegho ne muh phira liye the kaarzaar se
(157)
Ghodo ki jast-o-khaiz se utha gubaar zard
Gardoon me misl-e-shisha-e-saa’at bhari thi gard
Tooda bhara tha khaak se meena-e-laajvard
Koso kiyaah taar tha shab wadi-e-nabard
Pahena nazar se neer geyti faroz tha
Dhalti thi dopahar ke na shab tha na roz tha
(158)
Allah re ladaai me shaukat janaab ki
Sau naala-e-rang me thi ziyaah aaftaab ki
Sukhe wo lab ke pankhudiyan thi gulaab ki
Tasweer zuljinah pe thi bu turaab ki
Hota tha ghul jo karte the naare ladaai me
Bhaago ke sher goonj raha hai taraai me
(159)
Phir to ye ghul hua ke duhaai hussain ki
Allah ka ghazab hai ladaai hussain ki
Dariya hussain ka hai taraai hussain ki
Duniya hussain ki hai khudaai hussain ki
Beeda bachayaa aapne toofaan se nooh ka
Ab rahem waaste ali akbar ki rooh ka
(160)
Akbar ka naam sunke jigar par lagi sina
Aansoo bhar aaye rokli rahewaar ki anaa
Mud kar pukare laashe pisar ko shah-e-zamaa
Tumne na dekhi jung-e-padar ay padar ki jaa.n
Qasmein tumhari rooh ki ye log dete hain
Lo ab to zulfeqaar ko hum rok lete hain
(161)
Chillaaya haath maarke zaanu pe ibn-e-saad
Ay fazeehaata ye hazeemat zafar ke baad
Zeba dilaawaro ko nahi khilaaf-e-wa’ad
Ek pahelwaan ye sunte hi garjaa misaal-e-ra’ad
Naara kiya ke karta hoon hamla imaam par
Ay ibne saad likh le zafar mere naam par
(162)
Baala khadu kalfat-o-tano mans khaira sar
Royein tano siyaah darood aahni kamar
Naavak payaam marg ke tarkash ajal ka ghar
Teghein hazaaro tootgayin jispe wo sipar
Dil me badi tabiyyat-e-badh me bigaad tha
Ghode pe tha shaqi ke hawa par pahaad tha
(163)
Saath uske aur isi khad-o-khaamat ka ek pal
Aankhein kabood rang siyaah abroouon pe bal
Badkaar-o-bad shiyaar-o-sitamgaar-o-pard ghal
Jung aazma bhagaaye huey lashkari ke dal
Bhaale liye kase huey kamro pe sitez par
Naazaan wo zarb-o-gurz pe ye tegh tez ar.
(164)
Kheench jaaye shakl-e-harb wo tadbeer chahiye
Dushman bhi sab mukhir ho wo taqreer chaahiye
Tezi zabaan me surat-e-shamsheer chaahiye
Faulaad ka qalam dum-e-tahereer chaahiye
Naksha khichega saaf saf-e-karzaar ka
Paani davaat chaahti hai zulfaq qaar ka
(165)
Lashkar me izteraab tha faujo mein khalbali
Saavant be hawaas,hirasaan dhani bali
Dar tha ke lo hussain badhe tegh ab chali
Ghul tha idhar hai marhab-o-antar udhar ali
Kaun aaj sar baland ho aur kaun past ho
Kis ki zafar ho dekhiye kiski shikast ho
(166)
Aawaaz di ye haatif-e-gaibi ne tab ke haan
Bismillah ay ameer-e-arab ke suroor jaan
Uthi ali ki tegh do dum chaat kar zabaan
Bainte durust hoke faras pe shah-e-zaman
Waan se wo sher-e-najt badha naara maarke
Paani bhar aaya muh me udhar zulfeqaar ke
(167)
Lashkar me sab jawaan the ladaai me jee ladaay
Wo badd nazar tha aankho me aankhein udharr khadaay
Dhaalein ladein sipaah ki ya abr gadd gadaay
Gusse me aake ghode ne bhi daant kadd kadaay
Maari jo taao darr ke hate har laeen ke paaun
Maahi me dagmaga gaye gaaviz me ke paaun
(168)
Naiza hilaake shaah par aaya wo khud pasand
Mushkil kusha ke laal ne khole tamaam band
Teer-o-kamaañ se bhi na hua jackpot wo behr-e-mand
Chilla idhar khincha ke chali tegh-e-sar baland
Wo teer katt gaye jo dar aate the sang me
Goshein na the kamaañ me na paikaañ khudang me
(169)
Zaalim uthake gurz ko aaya janaab par
Taari hua gazab khalab-e-buturaab par
Maara jo haath paaun jamaakar rakaab par
Bijli giri shaqi ke sir-e-purr itaab par
Badd haath me shikast zafar nek haath me
Haath udke jaa pada kaie haath ek haath me
(170)
Kuch dastpaa chaa hoke chala tha wo na bakaar
Panje se pur ajal ke kahan jaa sake shikaar
Waan usne baayein haath me li tegh-e-aabdaar
Yaan sar se aayi pusht ke fiqron pe zulfiqaar
Khurbaan tegh-e-tez shah-e-naamdaar ke
Do tukde the sawaar ke do raahwaar ke
(171)
Phir dusre pe gurz uthaa kar pukaare shaah
Kyun zarb-e-zulfiqaar pe tu ne bhi ki nigaah
Sarshaar tha sharaab-e-takabbur se ru siyah
Jaata kahan ke maut to roke huye thi raah
Ghul tha usay ajal ne badhaya jo gher ke
Lo dusra shikaar chala muh me sher ke
(172)
Aata tha wo ke asp-e-shah-e-deen palat pada
Saabit hua ke sher gusarna chhapat pada
Tegha shaqi ne dhaal pe maara to patt pada
Zarbat padi ke gumbad-e-davvar phat pada
Paiwand sadr-e-zeen jar-o-farq hogaya
Ghoda zameen me seene talak garq hogaya
(173)
Pariyon se qaaf chhoot gaya aur jino se ghar
Shero se dasht gurg se ban azdaro se dar
Shaaheen-o-kabak chup gaye ek jaa mala ke sar
Udd kar gire jazeero me dariya ke jaanwar
Samte pahaad muh ko jo daaman se dhaamp ke
Seemurg ne gira diye par kaamp kaamp ke
(174)
Aayi sada-e-gaib ke shabbir marhaba
Iss haath ke liye thi ye shamsheer marhaba
Ye aabru ye jung ye tauqeer marhaba
Dikhla di maa ke doodh ki taaseer marhaba
Gaalib kiya khuda ne tujhe kaayenaat par
Bas khaatma jihaad ka hai teri zaat par
(175)
Bas ab na kar wiga ki hos ay hussain bas
Dum le hawa me chandd nafas ay hussain bas
Garmi se haapta hai faras ay n hussain bas
Waqt-e-namaz-e-asr hai bas ay hussain bas
Pyaasa lada nahi koie yun izdihaam me
Ab ehtemaam chaahiye ummat ke kaam me
(176)
Labbaik kaheke tegh rakhi shah ne mayaan me
Ulti sipaah aayi qayamat jahaan me
Phir sarkasho ne teer milaaye kamaan me
Phir khul gaye lipat ke pharere nashaan me
Bekas hussain zulm shiyaaro mein ghir gaye
Moula tumhare laakh sawaaro mein ghir gaye
(177)
Sehne pe saamne se chale dus hazaar teer
Chhathi pe lag gaye kaie sau ek baar teer
Pahelu ke paar barchiyan seene ke paar teer
Padhte the dus jo khinchte the tann se chaar teer
Yun the khudang zill-e-ilaahi ke jism par
Jus tarha qaar hote hai saahi ke jism par
(178)
Chalte climbed chaar samt se bhaale husaain par
Toote huey the barchiyo waale hussain par
Qaatil the khanjaro ko nikaale hisaain par
Ye dukh nabi ke god ke paale hussain par
Teer-e-sitam nikaalne waala koie na tha
Girte the aur samhaalne waala koie na tha
(179)
Laakho mein ek bekas-o-dilgeer haaye haaye
Farzand-e-fatima ki ye tauqeer haaye haaye
Bhaale wo aur pahelu-e-shabbir haaye haaye
Wo zaher mein bhujaaye huey teer haaye haaye
Gusse me the jo fauj ke sarkash bhare huye
Khaali kiye hussain pe tarkash bhare huye
(180)
Wo gard the jo bhaagte phirte the waqt-e-jung
Ek sang dil ne paas se maara jabeen pe sang
Sadme se zard hogaya sibt-e-nabi ka rang
Maathe pe haath tha ke gale pe laga khudang
Thaama gala janaab ne maathe ko chhodke
Nikla wo teer halq-e-mubarak ko todke
(181)
Likha hai teen phaal ka tha navaak-e-sitam
Muh khulgaya ulat gayi gardan ruka jo dum
Khinchti siree ba chashm nam
Bhaale nikaale pusht ki jaanib se hoke kham
Ubla jo khoon nikalta hua dum tahergaya
Chullu rakha jo zakhm ke niche to bhargaya
(182)
Dushman tha shay ka aur salmaa adu-e-deen
Sar par lagaie tegh ke shaq hogaie jabeen
Maari jigar pe ibne anas ne sanaan-e-keen
Bhaaga gado ke kokh me barchi ko ek laeen
Ghode pe dagamagake jo hazrat ne aah ki
Tharra gaie zari-e-risaalat panaah ki
(183)
Girte hai ab hussain faras par se hai gazab
Nikli rakaab paa-e-mutahar se hai gazab
Pahelu shigaafta hua khanjar se hai gazab
Ghash me jhuke amaama gira sar se hai gaza
Quraan rehl zeen se sar-e-farsh gir pada
Deewaar-e-kaaba bait gaie arsh gir pada
(184)
Jangal se aayi fatima zahera ki ye sada
Ummat ne mujh ko loot liya wa mohammada
Iss waqt kaun haq-e-mohabbat kare ada
Hai hai ye zulm aur do aalam ka muqtada
Unnees sau hai zaqm tan chaak chaak par
Zainab nikal hussain tadapta hai khaak par
(185)
Parda ulat ke bint-e-ali nikli nange sar
Larzaan khadam khameeda kamar garq-e-khoon jigar
Chaaro taraf pukaarti thi sar ko peet kar
Ay karbala bata tera mehmaan hai kidhar
Amma qadam ab uthte nahi tashna kaam ke
Pahunchaado laash par mere baazu ko thaam ke
(186)
Iss waqt sab jahan meri aankho me hai siyaah
Logi khuda ke wastey mujhko batadey raah
Sayyad kidhar tadapta hai amma kidhar hai aah
Kis samt hai nabi ke nawasey ki qatl gaah
Shole dil-o-jigar se nikalte hai aah ke
Ye kaun naam leta hai mera karaah ke
(187)
Kis ne sada ye di ke bahen iss taraf na aao
Bas ab safar qareeb hai lillah ghar me jaao
Ab doobti hai aal-e-rasool-e-khuda ki naav
Ya murtaza azeezo ke bedey ko tum bachao
Ab chhodiyo na dasht-e-bala me hussain ko
Ya fatima chupaalo rida me hussain ko
(188)
Binte ali to peet ti phirti thi nange sar
Katt tha noor-e-chashm-e-ali ka gala idhar
Zainab ko mana karte the har chhand ahle shar
Lekin wo daudi jaati thi thaame huey jigar
Pahuchi jo qatl gaah me iss rok tok par
Dekha sar-e-hussain ko naize ki nok par
(189)
Naize ke niche jaake pukaari wo sogwaar
Sayyad teri lahu bhari soorat ke mai nisaar
Hai hai gale pe chal gai bhayya chhuri ki dhaar
Bhooley bahan ko ay asad-e-haq ke kirdigaar
Sadqe gaie luta gaye ghar waada gaah me
Jumbish labo ko hai abhi yaad aala me
(190)
Bhayya salaam karti hai qwahar jawab do
Chilla rahi hai dukhtar-e-haider jawaab do
Sookhi zabaan se bahr-e-payambar jawab do
Kyun kar jeeyegi zainab-e-muztar jawab do
Juz murg dard-e-sabr ka chaara nahi koie
Mera to ab jahaan me sahara nahi koie
(191)
Bhayya mai ab kahan se tumhe laau kya karun
Kya kehke apn dil ko mai samjhaaun kya karun
Kis ki dohaai doon ke chal aaun kya karun
Basti paraayi hai mai kidhar jaaun kya karun
Duniya tamaam ujadgai weeraana hogaya
Baithu kahan ke ghar to aza khaana hogaya
(192)
Hai hai tumhare aage na qwahar guzar gaie
Bhayya bataao kya tahe qanjar guzar gaie
Aayi sada na pucho jo humpar guzar gayi
Sad lashkar jo guzar gaie bahot guzar gayi
Sar katgaya hume to alam se firaag hai
Gar hai to bas tumhari judaai ka daag hai
(193)
Ghar todne ko aayegi ab fauj-e-naabkaar
Kahiyo na kuch zubaan se ba juz shukr-e-kirdigaar
Khaime me jabke aag lagadein siyar shiyaar
Rahiyo meri yateem sakeena se hoshiyaar
Bezaar hai wo qasta jigar apni jaan se
Baadhe na koie uska gala reesmaan se
(194)
Bas ay anees zaaf se larza hai band band
Aalam ko yaadgaar rahenge ye chhand band
Nikle qalam se zaaf me kya kya buland band
Aalam pasand band hai sultaan pasand band
Ye fasl aur ye bazm-e-aza yaadgaar hai
Peeri ke walwale me khazaan ki bahaar hai
Allahumma solle alaa mohammad wa aal-e-mohammad