اے مومنو مرنے کے لیے جاتے ہیں اکبر

Bismi Rabbil Hussain

(1)

 Ay momino marne ke liye jaate hain akbar

 Maadar se juda hone ka ghum khaate hain akbar 

Sukhe huey lab baap ko dikhlaate hain akbar

 Shah rote hain sar paaun pe nyodhaate hain akbar

Kuch ban nahi aata hai Shah-e-jinn-o-bashar ko

 Gaah dekhte hain banu ko aur gaah pisar ko

(2) 

Dushwaar hai humshakl-e-payambar ki judaayi

 Farmaate hain pahle mujhe kyun maut na aayi

 Banu ki ye atthaara baras ki hai kamaayi

 Hasrat bhi koie iski nikalne nahi paayi

Pahle Ali akbar se ye naa shaad maregi 

Kis tarha jawaa.n maa sabr karegi

(3) 

Hai daagh ajab ye falak-e-peer dikhaata

 Baba se barabar ke pisar ko hai chhudaata

 Hai shaah ki peeri asaa haath se jaata

 Ek umr ki daulat pe zawaal aaj hai aata

Girta hai falak ghum ka Shah-e-jinn-o-bashar par

 Khamoosh hain par barchiyaan chalti hain jigar par

(4) 

Lab khushk hain tar askho se aankhein hain kamar kham

 Qasim ki judaayi ka qalaq bhaayi ka maatam

 Banu ka juda ranj hai bete ka juda ghum 

Hai sakht taraddud (fikr) me shahenshah-e-do-aalam

Bete se bicchadna hai museebat ye badi hai

 Ek jaan ajab tarha ki aafat me padi hai

(5) 

Akbar ki ye hai arz ke maidaa.n ki raza do

 Rasta mujhe firdaus ke jaane ka bata do

 Baba meri ulfat ko bas ab dil se uthaa do

 Amma se bhi rukhsat mujhe marne ki dilaa do

Katwayega sar ran me ghulaam aap se pahle 

Zinda hai wo beta jo mare baap se pahle

(6) 

Ab lutf hai kya jeene ka sab kat chuka lashkar

 Kaam aaye phupi-zaad chacha-zaad baraadar

 Abbas-e-alamdaar gaye jaanib-e-kausar 

Naam apna ho roshan jo kare shamma-sifat sar

Hai lillah na ab aah-o-buka kijiye baba

 Akbar ko bhi ummat pe fida kijiye baba

(7) 

Hai mere siwa kaun jo ho aap pe qurbaan

 Aabid hai so beemaar hai asghar hai so naadaa.n 

Farmaate hain hazrat ye na hoga kisi unwaa.n

 Ay jaan-e-padar pahle hume hone do jaa.n

Jab laash meri ran se uthaa laayiyo beta

 Phir shauq se marne ke liye jaayiyo beta

(8) 

Bekas ki rafaaqat ko na chhodo mere jaani

 Peeri me uthega na tera daagh-e-jawaani

 Go pyaas bahot hai tujhe ay Yusuf-e-saani

 Humne bhi to do roz se paaya nahi paani

Baba se juda hona gawaara na karo tum

 Kausar ke liye humse kinaara na karo tum

(9)

 Iss waaste paala tha tujhe ay mere dildaar

 Mazloom padar ke dum-e-aakhir ho madadgaar

 Dum aankho me jab aaye to dekhein tera deedaar

 Marjaayein to tum qabr karo baap ki tayyaar

Mukhtaar ho ghar baar ke aaqil ho jawaa.n ho

 Farzand-e-payambar ke tumhi faateha-khwaa.n ho

(10)

 Maa baap ka marna to hai meeraas meri jaa.n

 Sau baap to jeeta rahe farzand ho bejaa.n

 Howega na mujhko ye gawaara kisi unwaa.n

 Marne ko tumhe jaane doon akbar suye maidaa.n

Tum jeete raho rooh meri shaad rahegi 

Aur Banu-e-maghmoom bhi aabaad rahegi

(11) 

Sunkar ye sukhan shaah ka rone lage akbar

 Ki arz ke fariyaad hai ya Sibt-e-payambar

 Mai zinda rahun aapke tan par se kate sar

 Ay qibla-e-dee.n ho ye gawaara mujhe kyun kar

Hazrat ki judaayi ka na mai daagh sahunga 

Sadqe na hua gar to kahin ka na rahunga

(12) 

Kahene lage sunkar ye sukhan Sayyad-e-abraar

 Beta teri taqreer se hum hogaye laachaar 

Phir girne laga baap ke qadmo pe wo dildaar

 Lipta ke gale se shah-e-waala ne kiya pyaar

Farmaaya ke rulwaao na mujh saukhta-jaa.n ko

 Acha yahi marzi hai to raazi karo maa ko

(13) 

Baanu bhi khadi door se sunti thi ye taqreer

 Sarwar se lagi kahene ke ay Hazrat-e-shabbir

 Kya zikr mera karte ho kya hoti hai tadbeer

 Shah ne kaha be aas hume karti hai taqdeer

Aati hai khazaa.n baag ujadta hai hamaara 

Farzand jawaa.n humse bichhadta hai hamaara

(14) 

Mai chahtahu laal rahe tera salaamat

 Baanu teri daulat pe magar aati hai aafat

 Mujhse to ye roke nahi jaati kisi surat

 Ab tumse talab karte hain ye marne ki rukhsat

Kyun kar kahun mai aisi kamaayi ko mitaado

 Tum chaaho raza do unhe chaaho na raza do

(15) 

Baanu ne kaha aapki kya isme hai marzi 

Hazrat ne kaha jisme ho ummat ki bhalaayi

 Pyaare ali akbar hain to ummat bhi hai pyaari 

Sadqe kiya bhaayi ko mohabbat ye hai unki

Manzoor hai sar apna tah-e-tegh dharu mai 

Maidaan me pahle ali akbar se maru mai

(16) 

Sunkar ye sukhan rone lagi Banu-e-naa-shaad

 Chillaayi ke lut ti hoon mai fariyaad hai fariyaad 

Daudo arey logo mera ghar hota hai barbaad

 Marjaaun to ho.n qaid-e-ghum-o-ranj se aazaad

Tadbeer karo kuch mera ghar lut ta hai logo

 Pardes me maadar se pisar chhut ta hai logo

(17) 

Sarwar se mera raaj hai akbar se hai iqbaal

 Wo fatima ka laal hai ye baanu ka hai laal

 Bete ko jo rukhsat doon to hai dil ka ajab haal 

Aur rokoo.n to zahera ka chaman hota hai paamaal

Har tarha kamar ghum se ukhad jaayegi meri 

Ya maang diya kokh ujad jaayegi meri

(18) 

Rokar kaha akbar ne ke ay maadar-e-ghumkhwaar

 Maango ye dua zinda rahein Sayyad-e-abraar

 Ab doodh hume baksho ke hain marne pe tayyaar

 Iss pyaas me hain jaam-e-shahadat ke talabgaar

Kokh apni bachaane ka na saamaa.n karo amma

 Zahera ke pisar par hume qurbaa.n karo amma

(19)

 Baanu ne kaha sabr to aata nahi waari

 Tumne to chhuri maa ke kaleje pe hai maari

 Marjaaungi ay laal mai furqat me tumhaari 

Khair ab yahi matlab hai to mangwaao sawaari

Par mai koie hasrat to nikaaloo.n ali akbar

 Aao tumhe dulha to bana loo.n ali akbar

(20)

 Akbar ne kaha iss se hai kya faayda iss aa.n 

Ghum hoga ziyaada tumhe ye dekhke amma

 Uth jaayenge hum khalq se naa shaad pur armaa.n

 Behtar to ye hai chaak karun mera garebaa.n

Ab joda na sehra na dulhan chaahiye mujhko

 Ab gosha-e-qabr aur kafan chaahiye mujhko

(21)

 Laashe ke uthaane ka jo saamaa.n ho mayassar

 Sehra mere taaboot pe tum baandhiyo maadar

 Yaad aaunga jis waqt to rona yahi kahekar 

Haye haye mere naa shaad pur armaa.n ali akbar

Baandhi hai kamar gulshan-e-hasti se safar par

 Bas hain yahi shaadi ke tasadduq ho padar par

(22)

 Kahekar ye sukhan maa ko kiya aakhri mujra

 Naamoos-e-Mohammad me qayamat huie barpa

 Rota hua humshakl-e-Nabi khaime se nikla

 Shah ne kaha ay laal khuda ko tumhe sonpa

Furqat teri qismat mujhe dikhlaati hai beta 

Tum jaate nahi jaan chali jaati hai beta

(23)

 Akbar suye jangaah chale chhed ke rahewaar

 Aur rahegaye dil thaam ke dar par shah-e-abraar 

Tha musta’ad-e-jung zebas lashkar-e-kuffaar 

Maidaa.n me pahunchna tha ke chalne lagi talwaar

The rokte uss fauj ke reele ali akbar

 Ladte the hazaaro se akele ali akbar

(24) 

The gol zira-poshon ke khinche huey shamsheer

 Padte the kameen-gaah se baaraa.n ki tarha teer

 Taane huey naizo ko pas-e-pusht the be peer 

Aur beech me the tegh-ba-kaf Akbar-e-dilgeer

Dikhlaadiya tha jung shahenshah-e-Najaf ko

 Jab karte the hamla to ulat dete the saf ko

(25) 

Waan maarka-aara me the Janaab-e-Ali-Akbar

 Rote the khade Sibt-e-Nabi khaime ke dar par

 Gul hota jo maidaa.n me to kahete the tadap kar 

Ay baar-e-Khuda lut ti hai tasweer-e-payambar

Tu sabr ataa kar ke na fariyaad karun mai 

Bhooloo.n ali akbar ko tujhe yaad karun mai

(26) 

Ya rab ali akbar pe hai bachpan se mera pyaar 

Sau aage mere barchiyaan khaata hai ye dildaar

 Atthaara baras paala hai ulfat se hoon naachaar 

Hai marg jawaa.n bete ki shabbir pe dushwaar

Tegho se bachaata nahi mai apne jigar ko 

Karta hoon fida nana ki ummat pe pisar ko

(27)

 Thi shah ki wo mushkil aur ye tha baanu ka naqsha

 Roti thi khadi thaame huey khaime ka parda 

Kaheti thi ke ay bibiyo haye haye mai karu kya

 Aankho se hai kuch ab to dikhaayi nahi deta

Farzand mera ghir gaya hai fauj-e-sitam me

 Ab muh se nikalta hai kaleja koie dum me

(28)

 Parde ko uthaa kar kabhi sarwar ko sunaati 

Ab khaime se sar nange hoon mai bhi chali aati

 Hai maamta ki aanch kaleje ko jalaati

 Kuch aisa qalaq hai ke phati jaati hai chhati

Zinda ali akbar ko mai phir paaungi saahib

 Beta nahi milne ka to mar jaungi saahib

(29)

 Fizza se ye kaheti thi ke maidaa.n ki taraf jaa

 Ahesaan tera howega akbar ko bula laa

 Kyun kar chaloo.n khaime me wahan hashr hai barpa

 Maadar ko uthaaloge to phir aan ke ladna

Sadma na judaayi ka utha margayi baanu 

Jaldi chalo duniya se safar kar gayi baanu

(30) 

Ye hashr tha jo ran se sada aayi ye naagaah

 Ghode se pisar gir pada jald aayiye ya shaah 

Akbar ki sada sunte hi daude shah-e-zee-jaah

 Maqtal me nazar aaya na wo chaudwi ka maah

Ghabraaye huey chaaro taraf phirte the shabbir 

Bismil ki tarha uthte the aur girte the shabbir

(31) 

Dil pakde huey haatho se gah naher pe jaate

 Rote huey juu.n abr kabhi waan se phir aate

 Aada ko kabhi haath uthaa kar ye sunaate

 Kya bughz hai laasha nahi akbar ka bataate

Dariya me jo laashe ko bahaaya ho to kahedo 

Uss chaand ko mitti me chhupaaya ho to kahedo

(32)

 Jo laash nazar aati thi kahete the ye jhuk kar

 Qurbaan mai gar tum ho to bolo ali akbar

 Aati na sada kuch to ye farmaate the rokar

 Aankho se basaarat bhi gayi waaye muqaddar

Surat nazar aane ki nahi noor-e-nazar ki 

Kaa hai ko batayega koie laash pisar ki

(33) 

Hazrat ke rulaaane ko adu kahete the hanskar

 Ya shaah kisey dhundte ho margaye akbar 

Tan tukde hua tegho se khanjar se kata sar

 Murde ka tafahhus hai abas yaa shah-e-safdar

Jeeta to na wo maah-e-laqa haath lagega 

Laashe pe jo peetoge to kya haath lagega

(34) 

Shah kahete the bete ka pata mujhko bataado

 Sayyad hoon dua dunga mai laasha hi dikhaa do 

Jalta hai kaleja usay chhaati se lagaa do 

Ab Yusuf-e-ghum-gashta ko baba se mila do

Maadar ko bhi ek ishq hai uss noor-e-nazar se 

Beta na milega to nikal aayegi ghar se

(35)

 Akbar ka pata jabke kisi ne na bataaya

 Sahera ko chaala Haidar-e-karraar ka jaaya

 Farzand ko jangal me tadapta hua paaya

 Chillaaye ke kya haal hai beta padar aaya

Atthaara baras baad hume chhodte ho aah

 Beta pade iss khaak pe dum tod te ho aah

(36) 

Beta mai muwaa jaata hoon aawaaz sunao 

Hum aaye gale milne ko haatho ko uthaao

 Barchi ka kahan zaqm laga mujhko dikhaao

 Gar uth nahi sakte to meri god me aao

Bachpan me phira hoon tumhe kaandhe pe chaadha kar

 Le jaaunga ab laash ko chhaathi se lagaa kar

(37)

 Aaghosh me ye kaheke jo akbar ko uthaaya

 Aur zaqm kaleje ka pisar ke nazar aaya

 Tab koot ke chhaathi ye shah-e-dee.n ne sunaaya

 Ye haal hai farzand ka fariyaad khudaaya

Loota mujhe ummat ne mohammad ki daga(dhoka) se

 Kaata hai kaleje ko mere tegh-e-jafa se

(38) 

Akbar ne suni ghash me jo ye baap ki zaari

 Betaabi-e-shabbir pe aansu huey jaari 

Rokar kaha baba se ke rukhsat hai hamaari

 Jeene ke nahi zaqm kaleje pe hai kaari

Kubra ko sakina ko baraadar ko na dekha

 Afsos ke marte huey maadar ko na dekha

(39) 

Yaan aaye hain lene ko mere khuld se haidar

 Kis pyaar se dete hain mujhe saagar-e-kausar

 Daadi meri pahelu me khadi peet ti hain sar 

Aur shor hai hooro.n me ke haye haye ali akbar

Hai gird meri laash ke royein shohada ki 

Aati hai sada girya-e-mehboob-e-khuda ki

(40)

 Ye kahete the jo dard hua chhaathi me naagaah 

Aaghosh me baba ke tadapne laga wo maah 

Ek aah ki aur gulshan-e-firdaus ki li raah

 Chillaaye kaleje ko pakad kar shah-e-zee-jaah

Lab-tashna jahan se suye kausar gaye beta

 Ye baap to jeeta raha tum margaye beta

(41) 

Ay laal kahan se tumhe ab dhund ke laaun 

Batlaao to kis muh se mai ab khaime me jaaun

 Puche tumhe baanu to mai kya usko bataaun

 Marne ki khabar bete ki kya maa ko sunaaun

Maatam me humein apne rulaaya ali akbar

 Tumne mera laasha na uthaaya ali akbar

(42)

 Khamoosh anees ab ke huie shiddat-e-zaari 

Khaame ke bhi aansu hain ghum-e-shaah me jaari 

Ro ro ke dua maang ke ay Yazdaan-e-baari 

Kar rahem ke mujh par alam-o-ranj hai taari

Mai waasta deta hoon hussain ibne ali ka 

Mohtaaj na kijo mujhe duniya me kisi ka

بسمِ ربِّ الحسین

(1)

 اے مومنو مرنے کے لیے جاتے ہیں اکبر

 مادر سے جدا ہونے کا غم کھاتے ہیں اکبر

 سوکھے ہوئے لب باپ کو دکھلاتے ہیں اکبر 

شاہ روتے ہیں سر پاؤں پہ نیوڑھاتے ہیں اکبر

کچھ بن نہیں آتا ہے شاہِ-جن-و-بشر کو

 گہ دیکھتے ہیں بانو کو اور گاہ پسر کو

(2)

 دشوار ہے ہمشکلِ-پیمبر کی جدائی

 فرماتے ہیں پہلے مجھے کیوں موت نہ آئی

 بانو کی یہ اٹھارہ برس کی ہے کمائی

 حسرت بھی کوئی اس کی نکلنے نہیں پائی

پہلے علی اکبر سے یہ ناشاد مرے گی

 کس طرح جواں ماں صبر کرے گی

(3)

 ہے داغ عجب یہ فلکِ-پیر دکھا

تا بابا سے برابر کے پسر کو ہے چھڑاتا 

ہے شاہ کی پیری عصا ہاتھ سے جاتا

 اک عمر کی دولت پہ زوال آج ہے آتا

گرتا ہے فلک غم کا شاہِ-جن-و-بشر پر 

خاموش ہیں پر برچھیاں چلتی ہیں جگر پر

(4)

 لب خشک ہیں تر اشکوں سے آنکھیں ہیں کمر خم

 قاسم کی جدائی کا قلق بھائی کا ماتم

 بانو کا جدا رنج ہے بیٹے کا جدا غم 

ہے سخت تردد (فکر) میں شہنشاہِ-دو-عالم

بیٹے سے بچھڑنا ہے مصیبت یہ بڑی ہے 

اک جان عجب طرح کی آفت میں پڑی ہے

(5)

 اکبر کی یہ ہے عرض کہ میداں کی رضا دو 

رستہ مجھے فردوس کے جانے کا بتا دو 

بابا میری الفت کو بس اب دل سے اٹھا دو 

اماں سے بھی رخصت مجھے مرنے کی دلا دو

کٹواے گا سر رن میں غلام آپ سے پہلے 

زندہ ہے وہ بیٹا جو مرے باپ سے پہلے

(6)

 اب لطف ہے کیا جینے کا سب کٹ چکا لشکر 

کام آئے پھوپھی-زاد چچا-زاد برادر 

عباسِ-علمدار گئے جانبِ-کوثر

 نام اپنا ہو روشن جو کرے شمع-صفت سر

ہے للہ نہ اب آہ-و-بکا کیجیے با

با اکبر کو بھی امت پہ فدا کیجیے بابا

(7) 

ہے میرے سوا کون جو ہو آپ پہ قربان

 عابد ہے سو بیمار ہے اصغر ہے سو ناداں 

فرماتے ہیں حضرت یہ نہ ہوگا کسی عنواں

 اے جانِ-پدر پہلے ہمیں ہونے دو جاں

جب لاش میری رن سے اٹھا لائیو بیٹا

 پھر شوق سے مرنے کے لیے جائیو بیٹا

(8)

 بے کس کی رفاقت کو نہ چھوڑو میرے جانی

 پیری میں اٹھے گا نہ تیرا داغِ-جوانی

 گو پیاس بہت ہے تجھے اے یوسفِ-ثانی

 ہم نے بھی تو دو روز سے پایا نہیں پانی

بابا سے جدا ہونا گوارا نہ کرو تم

 کوثر کے لیے ہم سے کنارہ نہ کرو تم

(9)

 اس واسطے پالا تھا تجھے اے میرے دلدار 

مظلوم پدر کے دمِ-آخر ہو مددگار

 دم آنکھوں میں جب آئے تو دیکھیں تیرا دیدار

 مر جائیں تو تم قبر کرو باپ کی تیار

مختار ہو گھر بار کے عاقل ہو جواں ہو

 فرزندِ-پیمبر کے تمہی فاتحہ-خواں ہو

(10) 

ماں باپ کا مرنا تو ہے میراث میری جاں

 سو باپ تو جیتا رہے فرزند ہو بے-جاں 

ہووے گا نہ مجھ کو یہ گوارا کسی عنواں 

مرنے کو تمہیں جانے دوں اکبر سوئے میداں

تم جیتے رہو روح میری شاد رہے گی 

اور بانوئے-مغموم بھی آباد رہے گی

(11) 

سن کر یہ سخن شاہ کا رونے لگے اکبر 

کی عرض کہ فریاد ہے یا سبطِ-پیمبر

 میں زندہ رہوں آپ کے تن پر سے کٹے سر 

اے قبلہِ-دیں ہو یہ گوارا مجھے کیونکر

حضرت کی جدائی کا نہ میں داغ سہوں گا 

صدقے نہ ہوا گر تو کہیں کا نہ رہوں گا

(12)

 کہنے لگے سن کر یہ سخن سیدِ-ابرار

 بیٹا تیری تقریر سے ہم ہو گئے لاچار

 پھر گرنے لگا باپ کے قدموں پہ وہ دلدار

 لپٹا کے گلے سے شاہِ-والا نے کیا پیار

فرمایا کہ رلواؤ نہ مجھ سوختہ-جاں کو 

اچھا یہی مرضی ہے تو راضی کرو ماں کو

(13) 

بانو بھی کھڑی دور سے سنتی تھی یہ تقریر

 سرور سے لگی کہنے کہ اے حضرتِ-شبیر

 کیا ذکر میرا کرتے ہو کیا ہوتی ہے تدبیر 

شاہ نے کہا بے آس ہمیں کرتی ہے تقدیر

آتی ہے خزاں باغ اجڑتا ہے ہمارا 

فرزند جواں ہم سے بچھڑتا ہے ہمارا

(14) 

میں چاہتی ہوں لال رہے تیرا سلامت

 بانو تیری دولت پہ مگر آتی ہے آفت

 مجھ سے تو یہ روکے نہیں جاتی کسی صورت 

اب تم سے طلب کرتے ہیں یہ مرنے کی رخصت

کیونکر کہوں میں ایسی کمائی کو مٹا دو 

تم چاہو رضا دو انہیں چاہو نہ رضا دو

(15)

 بانو نے کہا آپ کی کیا اس میں ہے مرضی

 حضرت نے کہا جس میں ہو امت کی بھلائی

 پیارے علی اکبر ہیں تو امت بھی ہے پیاری

 صدقے کیا بھائی کو محبت یہ ہے ان کی

منظور ہے سر اپنا تہِ-تیغ دھروں میں 

میدان میں پہلے علی اکبر سے مروں میں

(16)

 سن کر یہ سخن رونے لگی بانوئے-ناشاد

 چلائی کہ لٹتی ہوں میں فریاد ہے فریاد

 دوڑو ارے لوگو میرا گھر ہوتا ہے برباد 

مر جاؤں تو ہوں قیدِ-غم-و-رنج سے آزاد

تدبیر کرو کچھ میرا گھر لٹتا ہے لوگو 

پردیس میں مادر سے پسر چھٹتا ہے لوگو

(17)

 سرور سے میرا راج ہے اکبر سے ہے اقبال 

وہ فاطمہ کا لال ہے یہ بانو کا ہے لال

 بیٹے کو جو رخصت دوں تو ہے دل کا عجب حال

 اور روکوں تو زہرا کا چمن ہوتا ہے پامال

ہر طرح کمر غم سے اکھڑ جائے گی میری 

یا مانگ دیا کوکھ اجڑ جائے گی میری

(18)

 رو کر کہا اکبر نے کہ اے مادرِ-غمخوار

 مانگو یہ دعا زندہ رہیں سیدِ-ابرار 

اب دودھ ہمیں بخشو کہ ہیں مرنے پہ تیار 

اس پیاس میں ہیں جامِ-شہادت کے طلبگار

کوکھ اپنی بچانے کا نہ ساماں کرو اماں 

زہرا کے پسر پر ہمیں قرباں کرو اماں

(19) 

بانو نے کہا صبر تو آتا نہیں واری

 تم نے تو چھری ماں کے کلیجے پہ ہے ماری 

مر جاؤں گی اے لال میں فرقت میں تمہاری

 خیر اب یہی مطلب ہے تو منگواؤ سواری

پر میں کوئی حسرت تو نکالوں علی اکبر

 آؤ تمہیں دولہا تو بنا لوں علی اکبر

(20)

 اکبر نے کہا اس سے ہے کیا فائدہ اس آں 

غم ہوگا زیادہ تمہیں یہ دیکھ کے اماں 

اٹھ جائیں گے ہم خلق سے ناشاد پُر ارماں

 بہتر تو یہ ہے چاک کروں میرا گریباں

اب جوڑا نہ سہرا نہ دلہن چاہیے مجھ کو 

اب گوشہِ-قبر اور کفن چاہیے مجھ کو

(21)

 لاشے کے اٹھانے کا جو ساماں ہو میسر 

سہرا میرے تابوت پہ تم باندھیو مادر 

یاد آؤں گا جس وقت تو رونا یہی کہہ کر

 ہائے ہائے میرے ناشاد پُر ارماں علی اکبر

باندھی ہے کمر گلشنِ-ہستی سے سفر پر

 بس ہیں یہی شادی کے تصدق ہو پدر پر

(22) 

کہہ کر یہ سخن ماں کو کیا آخری مجرا

 ناموسِ-محمد میں قیامت ہوئی برپا 

روتا ہوا ہمشکلِ-نبی خیمے سے نکلا 

شاہ نے کہا اے لال خدا کو تمہیں سونپا

فرقت تیری قسمت مجھے دکھلاتی ہے بیٹا 

تم جاتے نہیں جان چلی جاتی ہے بیٹا

(23)

 اکبر سوئے جنگاہ چلے چھیڑ کے رہوار 

اور رہ گئے دل تھام کے در پر شہِ-ابرار 

تھا مستعدِ-جنگ زبس لشکرِ-کفار

 میداں میں پہنچنا تھا کہ چلنے لگی تلوار

تھے روکتے اس فوج کے ریلے علی اکبر 

لڑتے تھے ہزاروں سے اکیلے علی اکبر

(24)

 تھے غول زرہ-پوشوں کے کھینچے ہوئے شمشیر 

پڑتے تھے کمیں-گاہ سے باراں کی طرح تیر

 تانے ہوئے نیزوں کو پسِ-پشت تھے بے پیر 

اور بیچ میں تھے تیغ-بکف اکبرِ-دلگیر

دکھلا دیا تھا جنگِ-شہنشاہِ-نجف کو

 جب کرتے تھے حملہ تو الٹ دیتے تھے صف کو

(25) 

واں معرکہ-آرا میں تھے جنابِ-علی-اکبر 

روتے تھے کھڑے سبطِ-نبی خیمے کے در پر 

غل ہوتا جو میداں میں تو کہتے تھے تڑپ کر

 اے بارِ-خدا لٹتی ہے تصویرِ-پیمبر

تو صبر عطا کر کہ نہ فریاد کروں میں

 بھولوں علی اکبر کو تجھے یاد کروں میں

(26)

 یا رب علی اکبر پہ ہے بچپن سے میرا پیار

 سو آگے میرے برچھیاں کھاتا ہے یہ دلدار 

اٹھارہ برس پالا ہے الفت سے ہوں ناچار 

ہے مرگ جواں بیٹے کی شبیر پہ دشوار

تیغوں سے بچاتا نہیں میں اپنے جگر کو 

کرتا ہوں فدا نانا کی امت پہ پسر کو

(27)

 تھی شہ کی وہ مشکل اور یہ تھا بانو کا نقشا

 روتی تھی کھڑی تھامے ہوئے خیمے کا پردا 

کہتی تھی کہ اے بیبیو ہائے ہائے میں کروں کیا 

آنکھوں سے ہے کچھ اب تو دکھائی نہیں دیتا

فرزند میرا گھر گیا ہے فوجِ-ستم میں

 اب منہ سے نکلتا ہے کلیجہ کوئی دم میں

(28)

 پردے کو اٹھا کر کبھی سرور کو سناتی

 اب خیمے سے سر ننگے ہوں میں بھی چلی جاتی

 ہے ممتا کی آنچ کلیجے کو جلاتی 

کچھ ایسا قلق ہے کہ پھٹی جاتی ہے چھاتی

زندہ علی اکبر کو میں پھر پاؤں گی صاحب

 بیٹا نہیں ملنے کا تو مر جاؤں گی صاحب

(29) 

فضہ سے یہ کہتی تھی کہ میداں کی طرف جا

 احسان تیرا ہووے گا اکبر کو بلا لا

 کیونکر چلوں خیمے میں واں حشر ہے برپا 

مادر کو اٹھا لو گے تو پھر آن کے لڑنا

صدمہ نہ جدائی کا اٹھا مر گئی بانو

 جلدی چلو دنیا سے سفر کر گئی بانو

(30)

 یہ حشر تھا جو رن سے صدا آئی یہ ناگاہ

 گھوڑے سے پسر گر پڑا جلد آئیے یا شاہ

 اکبر کی صدا سنتے ہی دوڑے شاہِ-ذی-جاہ 

مقتل میں نظر آیا نہ وہ چودھویں کا ماہ

گھبرائے ہوئے چاروں طرف پھرتے تھے شبیر 

بسمل کی طرح اٹھتے تھے اور گرتے تھے شبیر

(31)

 دل پکڑے ہوئے ہاتھوں سے گہ نہر پہ جاتے 

روتے ہوئے جوں ابر کبھی واں سے پھر آتے 

اعدا کو کبھی ہاتھ اٹھا کر یہ سناتے 

کیا بغض ہے لاشہ نہیں اکبر کا بتاتے

دریا میں جو لاشے کو بہایا ہو تو کہہ دو

 اس چاند کو مٹی میں چھپایا ہو تو کہہ دو

(32)

 جو لاش نظر آتی تھی کہتے تھے یہ جھک کر

 قربان میں گر تم ہو تو بولو علی اکبر 

آتی نہ صدا کچھ تو یہ فرماتے تھے رو کر

 آنکھوں سے بصارت بھی گئی وائے مقدر

صورت نظر آنے کی نہیں نورِ-نظر کی

 کاہے کو بتائے گا کوئی لاش پسر کی

(33)

 حضرت کے رلانے کو عدو کہتے تھے ہنس کر

 یا شاہ کسے ڈھونڈتے ہو مر گئے اکبر 

تن ٹکڑے ہوا تیغوں سے خنجر سے کٹا سر 

مردے کا تفحص ہے عبث یا شاہِ-صفدر

جیتا تو نہ وہ ماہِ-لقا ہاتھ لگے گا

 لاشے پہ جو پیٹو گے تو کیا ہاتھ لگے گا

(34)

 شہ کہتے تھے بیٹے کا پتہ مجھ کو بتا دو 

سید ہوں دعا دوں گا میں لاشہ ہی دکھا دو

 جلتا ہے کلیجہ اسے چھاتی سے لگا دو 

اب یوسفِ-گم-گشتہ کو بابا سے ملا دو

مادر کو بھی اک عشق ہے اس نورِ-نظر سے

 بیٹا نہ ملے گا تو نکل آئے گی گھر سے

(35)

 اکبر کا پتہ جب کہ کسی نے نہ بتایا

 صحرا کو چلا حیدرِ-کرار کا جایا

 فرزند کو جنگل میں تڑپتا ہوا پایا

 چلائے کہ کیا حال ہے بیٹا پدر آیا

اٹھارہ برس بعد ہمیں چھوڑتے ہو آہ

 بیٹا پڑے اس خاک پہ دم توڑتے ہو آہ

(36)

 بیٹا میں موا جاتا ہوں آواز سناؤ

 ہم آئے گلے ملنے کو ہاتھوں کو اٹھاؤ 

برچھی کا کہاں زخم لگا مجھ کو دکھاؤ 

گر اٹھ نہیں سکتے تو میری گود میں آؤ

بچپن میں پھرا ہوں تمہیں کاندھے پہ چڑھا کر

 لے جاؤں گا اب لاش کو چھاتی سے لگا کر

(37)

 آغوش میں یہ کہہ کے جو اکبر کو اٹھایا 

اور زخم کلیجے کا پسر کے نظر آیا

 تب کوٹ کے چھاتی یہ شہِ-دیں نے سنایا

 یہ حال ہے فرزند کا فریاد خدایا

لوٹا مجھے امت نے محمد کی دغا سے 

کاٹا ہے کلیجے کو میرے تیغِ-جفا سے

(38) 

اکبر نے سنی غش میں جو یہ باپ کی زاری

 بے-تابیِ-شبیر پہ آنسو ہوئے جاری

 رو کر کہا بابا سے کہ رخصت ہے ہماری

 جینے کے نہیں زخم کلیجے پہ ہے کاری

کبریٰ کو سکینہ کو برادر کو نہ دیکھا 

افسوس کہ مرتے ہوئے مادر کو نہ دیکھا

(39)

 یاں آئے ہیں لینے کو میرے خلد سے حیدر 

کس پیار سے دیتے ہیں مجھے ساغرِ-کوثر

 دادی میری پہلو میں کھڑی پیٹتی ہیں سر 

اور شور ہے حوروں میں کہ ہائے ہائے علی اکبر

ہیں گرد میری لاش کے روحیں شہدا کی 

آتی ہے صدا گریہِ-محبوبِ-خدا کی

(40)

 یہ کہتے تھے جو درد ہوا چھاتی میں ناگاہ 

آغوش میں بابا کے تڑپنے لگا وہ ماہ

 اک آہ کی اور گلشنِ-فردوس کی لی راہ

 چلائے کلیجے کو پکڑ کر شاہِ-ذی-جاہ

لب-تشنہ جہاں سے سوئے کوثر گئے بیٹا 

یہ باپ تو جیتا رہا تم مر گئے بیٹا

(41)

 اے لال کہاں سے تمہیں اب ڈھونڈ کے لاؤں

 بتلاؤ تو کس منہ سے میں اب خیمے میں جاؤں

 پوچھے تمہیں بانو تو میں کیا اس کو بتاؤں

 مرنے کی خبر بیٹے کی کیا ماں کو سناؤں

ماتم میں ہمیں اپنے رلایا علی اکبر 

تم نے میرا لاشہ نہ اٹھایا علی اکبر

(42)

 خاموش انیس اب کہ ہوئی شدتِ-زاری

 خامے کے بھی آنسو ہیں غمِ-شاہ میں جاری

 رو رو کے دعا مانگ کہ اے یزدانِ-باری

 کر رحم کہ مجھ پر الم-و-رنج ہے طاری

میں واسطہ دیتا ہوں حسین ابنِ علی کا 

محتاج نہ کیجو مجھے دنیا میں کسی کا