Bismi Rabbil Hussain

(1)

Lahu se laal jo ran me ali ka laal hua

Ajab wafoor-e-jaraahat se tan ka haal hua

Baha jo zakhmo se khoo.n jism-e-shah nidhaal hua

Sanbhalna khaana-e-zee.n par unhein mahaal hua

Hussain imam to ghode pe dagmagaane lage

Qareeb aake aduu barchiyaan lagaane lage

(2)

Akele shaah the aur tha hujoom-e-lashkar-e-shaam

Koie lagaata tha neza sitam ka koie husaam

Chhida hua tha tan-e-paak barchiyo se tamaam

Riza riza ke siwa kuch na tha zabaa.n pe kalaam

Nijaat-e-ummat-e-aasi ki chaahte the hussain

Jo kuch zabaa.n se kaha tha nibha rahe the hussain

(3)

Badan pe padte the jab teer shukr karte the

Ye rahem tha ke na qabze pe haath dharte the

Wo teer zulm ke seene se jab guzarte the

To dekh suye falak sard aah bharte the

Dikhaate zor-e-imaamat to phir qayaamat thi

Ajab rasool ki ummat se shah ko ulfat thi

(4)

Ye kisme hausla jo tan to huey zakhmo se choor

Dikhaaye uspe na qudrat wo saahib-e-maqdoor

Jo chaahta to fanaa hote dum me wo maqhoor

Magar hussain ko khaaliq ki thi khushi manzoor

Mila na kaunsa dukh kaunsi jafaa na huie

Magar zabaa.n kabhi shikwe se aashna na huie

(5)

Rafeeq aankho ke aage huey shaheed-e-sitam

Bhateejaa qaasim-e-naushaah sa hua be dum

Furaat par huey bhaayi ke dono haath qalam

Pisar mara ali akbar sa sehke ranj-o-alam

Hazaar ranj me go jaan dardmand rahi

Riza-e-khaaliq-e-akbar kamar pasand rahi

(6)

Aduu to neza-o-teer-o-tabar lagaate the

Imaam zakhmo ko khaa khaake muskuraate the

Zabaan-e-khushk kabhi honto par phiraate the

Kabhi aable zakhmi haath uthaate the

Haram ka dhyaan tha ne ghum tha apne pyaaro ka

Faqat qayaal tha humse gunaahgaaro ka

(7)

Baham jo pahuncha na tha teen din se qatra-e-aab

Farsh pe ghash huey jaate the shaah-e-arsh janaab

Maheena jheet ka tha dhoop me thi ye tab-o-taab

Ke dasht-e-keeñ ki zameeñ thi zameen-e-roz-e-hisaab

Zawaal-e-shams tha loo garmiyo ki chalti thi

Sharar fishaañ tha falak aur zameen jalti thi

(8)

Khada tha dhoop me tanha wo shaah-e-nek-sayar

Na koie yaar tha uss waqt ne koie yaawar

Kate the peych amaame ke tegho se yaksar

Hazaar nau sad-o-panjaah zakhm the tan par

Rakaab paaye mubaarak se nikli jaati thi

Zabaan pyaas ki shiddat se ladkhadaati thi

(9)

Badan ke zakhm tamaazat se khur ki jalte the

Lahu ke qatre basaan-e-sharar nikalte the

Har ek zakhm se khooñ leke muh pe malte the

Jo girne lagte the ghode pe phir sanbhalte the

Kabhi dahan se tapakta tha ga jabeeñ se lahu

Imaam pochte jaate the aasteeñ se lahu

(10)

Na rahem karte the kuch shaamiyaan-e-bad-kirdaar

Piyaape uspe lagaate the tegh-e-zulm ke waar

Har ek samt se padhti thi teer ki bochhaar

To unse kehta tha farzand-e-ahmad-e-mukhtaar

Na maaro mujhko do aalam ka baadshaah hoon mai

Khuda gawaah hai sayyad hoon be gunaah hoon mai

(11)

Daro khuda se zara ay giroh-e-zulm-pasand

Nahi samajhte na samjho rasool ka farzand

Kiya qabool ke haidar ka bhi nahi dilband

Batool ke bhi kaleje ka mai nahi paiwand

Aseer-e-ranj-o-mahan hoon balaa naseeb to hoon

Mai kalma go to hoon mehmaañ to hoon gareeb to hoon

(12)

Imaam samjho na ek banda-e-khuda samjho

Gareeb-o-bekas-o-be-yaar-o-aashna samjho

Ali ka laal na zehra ka dilruba samjho

Ayaal daar museebat ka mubtela samjho

Kaleja soor-e-atash se kabaab hai yaaro

Pilaana pyaase ko paani sawaab hai yaaro

(13)

Koie na sunta tha ye uss imaam ki taqreer

Sitam ki barchiyaan seene pe maarte the shareer

Khadi thi dyodhi pe sar khole shaah ki humsheer

Fugaañ ye karti thi wo dukhtar-e-ameer-e-kabeer

Laeeno ! Bhooke pyaase ko qatl karte ho

Rasool-e-haq ke nawaase ko qatl karte ho

(14)

Mai ab nikalti hoon khaime se sar ke khole baal

Na lo imaam ke khooñ ka tum apne sar pe wabaal

Gareeb bekas-o-be aas hai rasool ka laal

Bas ab na waar karo zakhmi hochuka hai kamaal

Ayaal leke kisi aur samt jaayega

Tumhaari mulk ke sarhad me ab na aayega

(15)

Ye kehke zainab-e-bekas pachhaadein khaati thi

Dar-e-khayaam se kulsoom nikli aati thi

Sakina haaye padar kehke bilbilaati thi

Sada ye gosh-e-shah-e-tashna-lab me jaati thi

Suye khayaam ba hasrat nigaah karte the

Jigar ko thaam ke haatho se aah karte the

(16)

Bahan jo sunti thi bhaayi ki naala-o-zaari

Uthaake khaime ke parde ko tab wo dukhiyaari

Pukaarti thi ke bhayya bahan tere waari

Lage hain teero ke kya zakhm jism par kaari

Pukaar kar kaho mujhse jo haal hai bhaayi

Tumhaara jism to sab khooñ se laal hai bhaayi

(17)

Ye zulm dekhne ki mere dil ko taab kahan

Khuda ke waaste khaime me aao bhaayi jaañ

Tumhaari bekasi mazloomi ke bahan qurbaañ

Khabar to raando ki lo ya imaam-e-tashna-dahaañ

Khadi huie dar-e-khaime pe haath malti hoon

Tum aao warna mai ab nang-e-sar nikalti hoon

(18)

Jo tum me aane ki taaqat na ho to aaun mai

Tumhaare badle sipar houn tumhein bachaaun mai

Badan pe neza-o-khanjar ke zakhm khaauñ mai

Rida-e-hazrat-e-zehra s.a tumhein udhaauñ mai

Phir apni aankho se ek baar dekh loon bhaayi

Tumhaara aakhri deedaar dekh loon bhaayi

(19)

Suni gareeb bahan ki ye jis ghadi taqreer

To apni bekasi par roye sayyad-e-dilgeer

Pukaare khaime ko muh pher karke ay humsheer

Mere bachaane ki iss waqt mat karo tadbeer

Lagaam ghode ki iss dum phira nahi sakte

Ye zakhmi hain ke wahan tak hum aa nahi sakte

(20)

Khadi hai ghere huey mujhko fauj-e-naahinjaar

Qadam na dyodhi se baahar nikaliyo zinhaar

Khuda ke sher ki beti ho tum buland waqaar

Jo niklegi to kahega har ek bad kirdaar

Hussain imaam ki khvaahar ko sar khule dekha

Batool-e-paak ki dukhtar ko sar khule dekha

(21)

Ye sach hai zabt ka iss dum tumhe nahi yaara

Ye kya karein ke siwa zabt ke nahi chaara

Agar se tan hai mera tegh-e-keeñ se sad paara

Magar bahan tere bhaayi ne dum nahi maara

Na jaaniyo ke mujhe zakhmo ki aziyyat hai

Khuda ki raah me jo ranj hai so raahat hai

(22)

Ye jaane gar ye nahi balke hai khushi ki jaa

Ke aaj hota hoon bheena shaheed-e-raah-e-khuda

Milega khil’at-e-pur-khooñ mujhe shahaadat ka

Buland hoga do aalam me martaba mera

Fida-e-khaaliq-e-banda-nawaaz ho shabbir

Chadhe sina pe jo sar sarfaraaz ho shabbir

(23)

Bhulaao dil se mujhe ab khuda ko yaad karo

Na dega koie talab mat kisi se daad karo

Riza-e-khaaliq-e-akbar pe etemaad kari

Usi ki chaaho khushi dil ko apne shaad karo

Jo wo ho raazi to marna bhi zindagaani hai

Mahal-e-ranj-o-museebat ye daar-e-faani hai

(24)

Tumhaare maa pe huey kaise kaise ranj-o-mahan

Hamesha sadme pe sadme diya kiye dushman

Siwa-e-shukr shikaayat ka par kiya na sukhan

Karo wo tum bhi ke jo tha tumhaari maa ka chalan

Na peeto seena-o-sar ne buka karo bheena

Ab apne bhaayi ke haq me dua karo bheena

(25)

Gale pe jabke rawaañ howe mere tegh-e-sitam

To suye qibla ho sajde me tu bhi gardan-e-kham

Hazaar teer badan par agar lage paiham

Dua karo ye ke uss raah se dage na qadam

Gale pe jald rawaañ mere tegh-e-bur’aañ ho

Ab ek zibha ke dum ki bhi mushkil aasaañ ho

(26)

Bayaañ bahen se ye karta tha wo imaam-e-anaam

Pukaara fauj ko jab ibn-e-saad bad anjaam

Karo bas ab pisar-e-fatima ka kaam tamaam

Giraado ghode se jald ay groh-e-lashkar-e-shaam

Sinaa.n se tegh se khanjar se dil figaar karo

Badan se kaat ke sar naize par sawaar karo

(27)

Ye sunke toot padi uspe fauj-e-kee.n ek baar

Har ek taraf se huie barchiyo ki maara maar

Qabaa rasool ki sab khoo.n se hogayi gulnaar

Pa kya bayaa.n karu.n sabr-e-shah-e-buland-waqaar

Na iztiraab tha kuch aur na be qaraari thi

Dua-e-bakshish-e-ummat zabaa.n pe jaari thi

(28)

Sanbhalne ka jo na tha zuljanaah ko yaara

To ladkhadaata tha har martaba wo be chaara

Ke neza pahelu pe ek bad-nihaad ne maara

Tadap gaya wo janaab-e-rasool ka pyaara

Takaa.n se uski jo seene me dard hone laga

To shah ka chehra-e-pur-noor zard hone laga

(29)

Na iss sitam pe bhi baaz aaye aah wo be peer

Kisi ne farq-e-mubaarak pe maari ek shamsheer

Abul hunooq laee.n ne kamaa.n me jodke teer

Lagaaya aah suye dilbar-e-janaab-e-ameer

Wo maatha chaand sa yun teer ka nishaana hua

Ke pusht-e-sar se wo teer-e-sitam rawaana hua

(30)

Wo zakhm teer ka jab yak ba yak laaga kaari

Jabee.n se surat-e-fawwaara khoo.n hua jaari

Phir ibne wahab ne barchi ko chhaathi par maari

Ke uske zaher me aalood thi sinaa.n saari

Wo barchi seena-e-shabbir ke jo paar huie

To rooh-e-fatima marqad me be qaraar huie

(31)

Sinaa.n wo seene se sibt-e-nabi ne jab khainchi

Kaleja tukde hua khoon ki bahi hai nadi

Ghash aaya phir na sanbhalne ki shah ko taab rahi

Qadam rakaabo se aur haath se lagaam chhuti

Judaa jo ghode se wo naamdaar hone laga

To zuljanaah bhi gardan jhukaake rone laga

(32)

Abhi zamee.n pe girey the na zuljanaah se shaah

Ke aayi fatima zahera ki ye sada nagaah

Khabar hussain ki lo jald aake ya aaqa

Khuda ke sher ko bhi lete aayiyo humraah

Dohaayi hai mera pyaara zamee.n pe girta hai

Khuda ke arsh ka taara zamee.n pe girta hai

(33)

Koi nahi mere bache ko thaamne waala

Har ek zakhm se behta hai khoo.n ka parnaala

Koie lagaata hai teer-e-sitam koie bhaala

Bade dukho se usay fatima ne paala tha

Shaheed laal mera be gunaah hota hai

Madad karo ke mera ghar tabaah hota hai

(34)

Pukaari fatima phir zuljanaah ko ekbaar

Sawaar-e-dosh-e-rasool-e-khuda hai tujhpe sawaar

Girey kahin na tere pusht se mera dildaar

Do zaanu khaak pe aahista baith jaa rehwaar

Khuda na kar wo jo ye neem-jaa.n zamee.n pe giraa

Yaqee.n samajhle ke bas aasmaa.n zamee.n pe giraa

(35)

Ye tere peeth ka bachpan se chadhne waala hai

Isay rasool se aaqa ne tere paala hai

Ye bargazeedah-e-mehboob-e-haq-taala hai

Magar falak ne museebat me isko daala hai

Zamee.n pe girke jo gultaa.n ba gard howega

Mere hussain ke zakhmo me dard howega

(36)

Tu jaanta hai ye chadhta tha dosh-e-ahmad par

Banaa tha eid ke din iska oont paighambar

Baraaye sajda-e-maabood jab jhukaate the sar

Sawaar hota tha pusht-e-nabi pe ye dilbar

Khuda ke dost se aisa ye pyaar karta tha

Na sar uthaata tha jabtak na ye utarta tha

(37)

Suni ye ghode ne ye bint-e-mustafa ki sada

To guthne tek ke taazi zamee.n pe baith gaya

Utarke reti pe ghode se dilbar-e-zehra

Lahu me maahi-e-be-aab sa tadapne laga

Wo geysu khaak se uss ban ke atgaye saare

Badan ke zakhm tadapne se phat gaye saare

(38)

Zamee.n pe khoon me gultaa.n the hazrat-e-shabbir

Ke gird-e-shah hua anboh-e-firqa-e-be-peer

Kamaa.n kuzaah kiye nikla haeen ibne nameer l.a

Gulu-e-khushk pe hazrat ke usne maara teer

Do saar hoke wo teer-e-sitam latakne laga

Gale me aake ruka dum lahu tapakne laga

(39)

Ye haal dekh ke bhaayi ka zainab-e-muztar

Uthaake khaime ke parde ko daudi nang-e-sar

Khareeb shaah ke aa pahunchi jab wo khasta jigar

Pukaari ay umar-e-saad kuch khuda se to darr

Hijaab rooh-e-payambar se kuch bhi aata hai

Tu dekhta hai mera bhaayi maara jaata hai

(40)

Ye kaun hai jisey karta hai qatl ay be peer

Ye kiske jism pe lagte hain neza-o-shamsheer

Ye kiska hai halq hai maara hai jispe zulm ka teer

Bhari hai khoon me ye kiski chaand si tasweer

Arey gareeb hai bekas hai bhooka pyaasa hai

Zara samjho to ye kis shaks ka nawaasa hai

(41)

Sukhan ye zainab-e-dilgeer ke jo shah ne sune

Zamee.n pe ghash me tadapte tadapte uth baithe

Aur apne halq se khaincha wo teer jaldi se

Gale ke zakhm pe zainab ki taa nazar na pade

Lahu ki dhaar si laikin nazar jo aane lagi

Duhaayi de deke zainab pachhaadein khaane lagi

(42)

Na aaya uspe bhi rehem ibne saad ko aslaa

Shaqi ne apna rukh-e-nahes udhar se pher liya

Sanaan-o-khooli-o-hajjaaj-o-shimr se ye kaha

Badan se kaat lo ab sar hussain-e-bekas ka

Kisi ke peetne rone ka mat qayaal karo

Sumo se ghodo ke laasha bhi paayemaal karo

(43)

Ye sunke aaye paye qatl-e-shah wo naahanjaar

Imaam-e-deeñ pe phir aakar kiya har ek ne waar

Tan-e-shareef me junbish rahi na jab zinhaar

Chadha hussain ki chhaathi pe shimr-e-bad-kirdaar

Ab aage haal kahun kya gulu-o-khanjar ka

Anees taaza hai ghum taaba hashr sarwar ka

Allahumma solle alaa mohammad wa aal-e-mohammad

​بسمِ ربِّ الحسین

​(1)

لہو سے لال جو رن میں علی کا لال ہوا

عجب وفور-جراحت سے تن کا حال ہوا

بہا جو زخموں سے خوں جسم-شاہ نڈھال ہوا

سنبھلنا خانہ-زیں پر انھیں محال ہوا

​حسین امام تو گھوڑے پہ ڈگمگانے لگے

قریب آکے عدو برچھیاں لگانے لگے

​(2)

اکیلے شاہ تھے اور تھا ہجوم-لشکر-شام

کوئی لگاتا تھا نیزہ ستم کا کوئی حسام

چھدا ہوا تھا تن-پاک برچھیوں سے تمام

رضا رضا کے سوا کچھ نہ تھا زباں پہ کلام

​نجات-امت-عاصی کی چاہتے تھے حسین

جو کچھ زباں سے کہا تھا نبھا رہے تھے حسین

​(3)

بدن پہ پڑتے تھے جب تیر شکر کرتے تھے

یہ رحم تھا کہ نہ قبضے پہ ہاتھ دھرتے تھے

وہ تیر ظلم کے سینے سے جب گزرتے تھے

تو دیکھ سوئے فلک سرد آہ بھرتے تھے

​دکھاتے زور-امامت تو پھر قیامت تھی

عجب رسول کی امت سے شاہ کو الفت تھی

​(4)

یہ کس میں حوصلہ جو تن تو ہوئے زخموں سے چور

دکھائے اس پہ نہ قدرت وہ صاحب-مقدور

جو چاہتا تو فنا ہوتے دم میں وہ مقہور

مگر حسین کو خالق کی تھی خوشی منظور

​ملا نہ کونسا دکھ کونسی جفا نہ ہوئی

مگر زباں کبھی شکوے سے آشنا نہ ہوئی

​(5)

رفیق آنکھوں کے آگے ہوئے شہید-ستم

بھتیجا قاسم-نوشاہ سا ہوا بے دم

فرات پر ہوئے بھائی کے دونوں ہاتھ قلم

پسر مرا علی اکبر سا سہہ کے رنج-و-الم

​ہزار رنج میں گو جان دردمند رہی

رضا-خالق-اکبر کمر پسند رہی

​(6)

عدو تو نیزہ-و-تیر-و-تبر لگاتے تھے

امام زخموں کو کھا کھا کے مسکراتے تھے

زبان-خشک کبھی ہونٹوں پر پھراتے تھے

کبھی آبلے زخمی ہاتھ اٹھاتے تھے

​حرم کا دھیان تھا نے غم تھا اپنے پیاروں کا

فقط خیال تھا ہم سے گناہگاروں کا

​(7)

بہم جو پہنچا نہ تھا تین دن سے قطرہ-آب

فرش پہ غش ہوئے جاتے تھے شاہ-عرش جناب

مہینہ جیٹھ کا تھا دھوپ میں تھی یہ تاب-و-تاب

کہ دشت-کیں کی زمیں تھی زمین-روز-حساب

​زوال-شمس تھا لو گرمیوں کی چلتی تھی

شرر فشاں تھا فلک اور زمین جلتی تھی

​(8)

کھڑا تھا دھوپ میں تنہا وہ شہ-نیک-سیر

نہ کوئی یار تھا اس وقت نے کوئی یاور

کٹے تھے پیچ عمامے کے تیغوں سے یکسر

ہزار نو صد-و-پنجاہ زخم تھے تن پر

​رکاب پائے مبارک سے نکلی جاتی تھی

زبان پیاس کی شدت سے لڑکھڑاتی تھی

​(9)

بدن کے زخم تمازت سے کھر کی جلتے تھے

لہو کے قطرے بسان-شرر نکلتے تھے

ہر اک زخم سے خوں لے کے منہ پہ ملتے تھے

جو گرنے لگتے تھے گھوڑے پہ پھر سنبھلتے تھے

​کبھی دہن سے ٹپکتا تھا گا جبیں سے لہو

امام پونچھتے جاتے تھے آستیں سے لہو

​(10)

نہ رحم کرتے تھے کچھ شامیان-بد-کردار

پیاپے اس پہ لگاتے تھے تیغ-ظلم کے وار

ہر اک سمت سے پڑتی تھی تیر کی بوچھاڑ

تو ان سے کہتا تھا فرزند-احمد-مختار

​نہ مارو مجھ کو دو عالم کا بادشاہ ہوں میں

خدا گواہ ہے سید ہوں بے گناہ ہوں میں

​(11)

ڈرو خدا سے ذرا اے گروہ-ظلم-پسند

نہیں سمجھتے نہ سمجھو رسول کا فرزند

کیا قبول کہ حیدر کا بھی نہیں دلبند

بتول کے بھی کلیجے کا میں نہیں پیوند

​اسیر-رنج-و-محن ہوں بلا نصیب تو ہوں

میں کلمہ گو تو ہوں مہماں تو ہوں غریب تو ہوں

​(12)

امام سمجھو نہ اک بندہ-خدا سمجھو

غریب-و-بیکس-و-بے-یار-و-آشنا سمجھو

علی کا لال نہ زہرا کا دلربا سمجھو

عیال دار مصیبت کا مبتلا سمجھو

​کلیجہ صور-آتش سے کباب ہے یارو

پلانا پیاسے کو پانی ثواب ہے یارو

​(13)

کوئی نہ سنتا تھا یہ اس امام کی تقریر

ستم کی برچھیاں سینے پہ مارتے تھے شریر

کھڑی تھی ڈیوڑھی پہ سر کھولے شاہ کی ہمشیر

فغاں یہ کرتی تھی وہ دختر-امیر-کبیر

​لعینو ! بھوکے پیاسے کو قتل کرتے ہو

رسول-حق کے نواسے کو قتل کرتے ہو

​(14)

میں اب نکلتی ہوں خیمے سے سر کے کھولے بال

نہ لو امام کے خوں کا تم اپنے سر پہ وبال

غریب بیکس-و-بے آس ہے رسول کا لال

بس اب نہ وار کرو زخمی ہو چکا ہے کمال

​عیال لے کے کسی اور سمت جائے گا

تمہاری ملک کے سرحد میں اب نہ آئے گا

​(15)

یہ کہہ کے زینب-بیکس پچھاڑیں کھاتی تھی

در-خیام سے کلثوم نکلی آتی تھی

سکینہ ہائے پدر کہہ کے بلبلاتی تھی

صدا یہ گوش-شاہ-تشنہ-لب میں جاتی تھی

​سوئے خیام بحسرت نگاہ کرتے تھے

جگر کو تھام کے ہاتھوں سے آہ کرتے تھے

​(16)

بہن جو سنتی تھی بھائی کی نالہ-و-زاری

اٹھا کے خیمے کے پردے کو تب وہ دکھیاری

پکارتی تھی کہ بھیا بہن تیرے واری

لگے ہیں تیروں کے کیا زخم جسم پر کاری

​پکار کر کہو مجھ سے جو حال ہے بھائی

تمہارا جسم تو سب خوں سے لال ہے بھائی

​(17)

یہ ظلم دیکھنے کی میرے دل کو تاب کہاں

خدا کے واسطے خیمے میں آؤ بھائی جاں

تمہاری بیکسی مظلومی کے بہن قرباں

خبر تو رانڈوں کی لو یا امام-تشنہ-دہاں

​کھڑی ہوئی در-خیمے پہ ہاتھ ملتی ہوں

تم آؤ ورنہ میں اب ننگ-سر نکلتی ہوں

​(18)

جو تم میں آنے کی طاقت نہ ہو تو آؤں میں

تمہارے بدلے سپر ہوں تمہیں بچاؤں میں

بدن پہ نیزہ-و-خنجر کے زخم کھاؤں میں

ردا-حضرت-زہرا س ع تمہیں اڑھاؤں میں

​پھر اپنی آنکھوں سے اک بار دیکھ لوں بھائی

تمہارا آخری دیدار دیکھ لوں بھائی

​(19)

سنی غریب بہن کی یہ جس گھڑی تقریر

تو اپنی بیکسی پر روئے سید-دلگیر

پکارے خیمے کو منہ پھیر کر کے اے ہمشیر

میرے بچانے کی اس وقت مت کرو تدبیر

​لگام گھوڑے کی اس دم پھرا نہیں سکتے

یہ زخمی ہیں کہ وہاں تک ہم آ نہیں سکتے

​(20)

کھڑی ہے گھیرے ہوئے مجھ کو فوج-ناہنجار

قدم نہ ڈیوڑھی سے باہر نکالیو زنہار

خدا کے شیر کی بیٹی ہو تم بلند وقار

جو نکلے گی تو کہے گا ہر اک بد کردار

​حسین امام کی خواہر کو سر کھلے دیکھا

بتول-پاک کی دختر کو سر کھلے دیکھا

​(21)

یہ سچ ہے ضبط کا اس دم تمہیں نہیں یارا

یہ کیا کریں کہ سوا ضبط کے نہیں چارا

اگرچہ تن ہے میرا تیغ-کیں سے صد پارا

مگر بہن تیرے بھائی نے دم نہیں مارا

​نہ جانیو کہ مجھے زخموں کی اذیت ہے

خدا کی راہ میں جو رنج ہے سو راحت ہے

​(22)

یہ جانے گر یہ نہیں بلکہ ہے خوشی کی جا

کہ آج ہوتا ہوں بہنا شہید-راہ-خدا

ملے گا خلعت-پر-خوں مجھے شہادت کا

بلند ہو گا دو عالم میں مرتبہ میرا

​فدا-خالق-بندہ-نواز ہو شبیر

چڑھے سناں پہ جو سر سرفراز ہو شبیر

​(23)

بھلاؤ دل سے مجھے اب خدا کو یاد کرو

نہ دے گا کوئی طلب مت کسی سے داد کرو

رضا-خالق-اکبر پہ اعتماد کرو

اسی کی چاہو خوشی دل کو اپنے شاد کرو

​جو وہ ہو راضی تو مرنا بھی زندگانی ہے

محل-رنج-و-مصیبت یہ دار-فانی ہے

​(24)

تمہارے ماں پہ ہوئے کیسے کیسے رنج-و-محن

ہمیشہ صدمے پہ صدمے دیا کیے دشمن

سوائے شکر شکایت کا پر کیا نہ سخن

کرو وہ تم بھی کہ جو تھا تمہاری ماں کا چلن

​نہ پیٹو سینہ-و-سر نے بکا کرو بہنا

اب اپنے بھائی کے حق میں دعا کرو بہنا

​(25)

گلے پہ جبکہ رواں ہوویں میرے تیغ-ستم

تو سوئے قبلہ ہو سجدے میں تو بھی گردن-خم

ہزار تیر بدن پر اگر لگیں پیہم

دعا کرو یہ کہ اس راہ سے ڈگے نہ قدم

​گلے پہ جلد رواں میرے تیغ-براں ہو

اب اک ذبح کے دم کی بھی مشکل آساں ہو

​(26)

بیاں بہن سے یہ کرتا تھا وہ امام-انام

پکارا فوج کو جب ابن-سعد بد انجام

کرو بس اب پسر-فاطمہ کا کام تمام

گرادو گھوڑے سے جلد اے گروہ-لشکر-شام

​سناں سے تیغ سے خنجر سے دل فگار کرو

بدن سے کاٹ کے سر نیزے پر سوار کرو

​(27)

یہ سن کے ٹوٹ پڑی اس پہ فوج-کیں اک بار

ہر اک طرف سے ہوئی برچھیوں کی مارا مار

قبا رسول کی سب خوں سے ہو گئی گلنار

پہ کیا بیاں کروں صبر-شاہ-بلند-وقار

​نہ اضطراب تھا کچھ اور نہ بے قراری تھی

دعا-بخشش-امت زباں پہ جاری تھی

​(28)

سنبھلنے کا جو نہ تھا ذوالجناح کو یارا

تو لڑکھڑاتا تھا ہر مرتبہ وہ بیچارا

کہ نیزہ پہلو پہ اک بد-نہاد نے مارا

تڑپ گیا وہ جناب-رسول کا پیارا

​تکاں سے اس کی جو سینے میں درد ہونے لگا

تو شاہ کا چہرہ-پر-نور زرد ہونے لگا

​(29)

نہ اس ستم پہ بھی باز آئے آہ وہ بے پیر

کسی نے فرق-مبارک پہ ماری اک شمشیر

ابو الحتوق لعیں نے کماں میں جوڑ کے تیر

لگایا آہ سوئے دلبر-جناب-امیر

​وہ ماتھا چاند سا یوں تیر کا نشانہ ہوا

کہ پشت-سر سے وہ تیر-ستم روانہ ہوا

​(30)

وہ زخم تیر کا جب یک بہ یک لگا کاری

جبیں سے صورت-فوارہ خوں ہوا جاری

پھر ابن وہب نے برچھی کو چھاتی پر ماری

کہ اس کے زہر میں آلود تھی سناں ساری

​وہ برچھی سینہ-شبیر کے جو پار ہوئی

تو روح-فاطمہ مرقد میں بے قرار ہوئی

​(31)

سناں وہ سینے سے سبط-نبی نے جب کھینچی

کلیجہ ٹکڑے ہوا خون کی بہی ہے ندی

غش آیا پھر نہ سنبھلنے کی شاہ کو تاب رہی

قدم رکابوں سے اور ہاتھ سے لگام چھٹی

​جدا جو گھوڑے سے وہ نامدار ہونے لگا

تو ذوالجناح بھی گردن جھکا کے رونے لگا

​(32)

ابھی زمیں پہ گرے تھے نہ ذوالجناح سے شاہ

کہ آئی فاطمہ زہرا کی یہ صدا ناگاہ

خبر حسین کی لو جلد آ کے یا آقا

خدا کے شیر کو بھی لیتے آئیو ہمراہ

​دہائی ہے میرا پیارا زمیں پہ گرتا ہے

خدا کے عرش کا تارا زمیں پہ گرتا ہے

​(33)

کوئی نہیں میرے بچے کو تھامنے والا

ہر اک زخم سے بہتا ہے خوں کا پرنالہ

کوئی لگاتا ہے تیر-ستم کوئی بھالا

بڑے دکھوں سے اسے فاطمہ نے پالا تھا

​شہید لال میرا بے گناہ ہوتا ہے

مدد کرو کہ میرا گھر تباہ ہوتا ہے

​(34)

پکاری فاطمہ پھر ذوالجناح کو اک بار

سوار-دوش-رسول-خدا ہے تجھ پہ سوار

گرے کہیں نہ تیرے پشت سے میرا دلدار

دو زانو خاک پہ آہستہ بیٹھ جا رہوار

​خدا نہ کر وہ جو یہ نیم-جاں زمیں پہ گرا

یقیں سمجھ لے کہ بس آسماں زمیں پہ گرا

​(35)

یہ تیرے پیٹھ کا بچپن سے چڑھنے والا ہے

اسے رسول سے آقا نے تیرے پالا ہے

یہ برگزیدہ-محبوب-حق-تعالیٰ ہے

مگر فلک نے مصیبت میں اس کو ڈالا ہے

​زمیں پہ گر کے جو غلتاں بہ گرد ہووے گا

میرے حسین کے زخموں میں درد ہووے گا

​(36)

تو جانتا ہے یہ چڑھتا تھا دوش-احمد پر

بنا تھا عید کے دن اس کا اونٹ پیغمبر

برائے سجدہ-معبود جب جھکاتے تھے سر

سوار ہوتا تھا پشت-نبی پہ یہ دلبر

​خدا کے دوست سے ایسا یہ پیار کرتا تھا

نہ سر اٹھاتا تھا جب تک نہ یہ اترتا تھا

​(37)

سنی یہ گھوڑے نے یہ بنت-مصطفیٰ کی صدا

تو گھٹنے ٹیک کے تازی زمیں پہ بیٹھ گیا

اتر کے ریتی پہ گھوڑے سے دلبر-زہرا

لہو میں ماہی-بے-آب سا تڑپنے لگا

​وہ گیسو خاک سے اس بن کے اٹ گئے سارے

بدن کے زخم تڑپنے سے پھٹ گئے سارے

​(38)

زمیں پہ خون میں غلتاں تھے حضرت-شبیر

کہ گرد-شاہ ہوا انبوہ-فرقہ-بے-پیر

کماں کزہ کیے نکلا حین ابن نمیر لع

گلو-خشک پہ حضرت کے اس نے مارا تیر

​دو سار ہو کے وہ تیر-ستم لٹکنے لگا

گلے میں آ کے رکا دم لہو ٹپکنے لگا

​(39)

یہ حال دیکھ کے بھائی کا زینب-مضطر

اٹھا کے خیمے کے پردے کو دوڑی ننگ-سر

قریب شاہ کے آ پہنچی جب وہ خستہ جگر

پکاری اے عمر-سعد کچھ خدا سے تو ڈر

​حجاب روح-پیمبر سے کچھ بھی آتا ہے

تو دیکھتا ہے میرا بھائی مارا جاتا ہے

​(40)

یہ کون ہے جسے کرتا ہے قتل اے بے پیر

یہ کس کے جسم پہ لگتے ہیں نیزہ-و-شمشیر

یہ کس کا حلق ہے مارا ہے جس پہ ظلم کا تیر

بھری ہے خون میں یہ کس کی چاند سی تصویر

​ارے غریب ہے بیکس ہے بھوکا پیاسا ہے

ذرا سمجھو تو یہ کس شخص کا نواسا ہے

​(41)

سخن یہ زینب-دلگیر کے جو شاہ نے سنے

زمیں پہ غش میں تڑپتے تڑپتے اٹھ بیٹھے

اور اپنے حلق سے کھینچا وہ تیر جلدی سے

گلے کے زخم پہ زینب کی تا نظر نہ پڑے

​لہو کی دھار سی لیکن نظر جو آنے لگی

دہائی دے دے کے زینب پچھاڑیں کھانے لگی

​(42)

نہ آیا اس پہ بھی رحم ابن سعد کو اصلا

شقی نے اپنا رخ-نحس ادھر سے پھیر لیا

سنان-و-خولی-و-حجاج-و-شمر سے یہ کہا

بدن سے کاٹ لو اب سر حسین-بیکس کا

​کسی کے پیٹنے رونے کا مت خیال کرو

سموں سے گھوڑوں کے لاشہ بھی پائمال کرو

​(43)

یہ سن کے آئے پئے قتل-شاہ وہ ناہنجار

امام-دیں پہ پھر آ کر کیا ہر اک نے وار

تن-شریف میں جنبش رہی نہ جب زنہار

چڑھا حسین کی چھاتی پہ شمر-بد-کردار

​اب آگے حال کہوں کیا گلو-و-خنجر کا

انیس تازہ ہے غم تابہ حشر سرور کا

​اللھم صل علی محمد وآل-محمد